Открыть главное меню
Файл:Коми му бан.jpg
«Коми му» газетлӧн выль чужӧм баныс (2010 во)

Коми мукоми кыв вылын общественно-политическöй газет, петö Коми Республикаын.

Содержание

Медшӧр юӧрПравить

«Коми му» — республикалöн важся петас. Газет петö 1918-ӧд вося лӧддза-номъя тöлыссянь. Петавлiс татшöм нимъяс улын: «Зырянская жизнь», 1921 восянь — «Удж», «Коми сикт», «Вӧрлеԇыԍ»/«Вöрлэдзысь», «Коми колхозник», 1959 восянь — «Югыд туй». Öнiя нимыс 1991 восянь.

«Коми му» газет гижö коми войтырлöн олöм, чужан кыв, литература да культура видзöм да сöвмöдöм, финн-йöгра войтыръяскöд ёртасьöм йылысь.

Газетлöн тематика лист бокъяс: «Кыдзи олан, сикт?», «Вöр-ва да ми», «Подöн важас», «Литература лист бок», «Субöта рытö» да мукöд.

Газет вӧлі петö вежоннас куимысь – воторникö, четвергö да субöтаö, 2011 вося кӧч тӧлысьсянь — ӧтчыдысь вежоннас.

Ыдждаыс: А3 формат, 8 лист бок.

Тиражыс — 2000 гöгöр экз. 1970-öд воясö газет петан лыдыс вöлi 12 сюрс сайö.

1968 воын газетлы вöлi вичмöдöма «Почёт знак» орденöн.

Быд тöлысь бöръя воторникö газетлöн рочöн петö содтöд номер — «Тысяча мелочей» (тиражыс – 3000 экз.).

Газетлöн историяПравить

 
Газетлöн логотип (1923 во)

Коми печатьлöн олан туйыс пансис 1917 воын, «Зырянская жизнь» газет петтöдз на. Сыöдз йöзöдiсны роч кыв вылын «Известия», «Яренская газета», «Известия Яренского уездного Совета крестьянских депутатов», «Коммунист», «Красный пахарь» газетъяс.

«Зырянская жизньлöн» медводдза номерыс петiс 1918-ӧд вося лӧддза-номъя тӧлысь 10-ӧд лунӧ. Редакторнас лоис Дмитрий Попов, эсер, вичкоса вöвлöм уджалысь, 4-öд Государственнöй Думаö пырысь. Газет лэдзысьясыс зiлисны чужтыны йöзын царизм дорö лöглун, гöгöрвоöдiсны том Сöвет государстволысь политикасö.

12-öд номерсянь «Зырянская жизнь» газетын редакторалöма Д.И. Розанов — роч морт (тасянь и пансьöма роч да коми кывйöн вöдитчысьяс костын веныс и вошласьöмыс).

1918-ӧд вося лӧддза-номъя тӧлысь 16-ӧд лунӧ Усть-Сысольскын лöсьöдiсны большевикъяслысь партия котыр. 1918 вося моз тӧлысьсянь коммунистъяс индöны редакторнас Виктор Савинöс. Редколлегияö пырис тшöтш Василий Лыткин.

Регыд мысти вöлi шуöма лöсьöдны Пинега-Печора крайлöн политика юкöнлысь, Сöветъяслöн Усть-Сысольск уездса исполкомлысь да РКП(б) уездса комитетлысь öтувъя орган. 1919-ӧд вося косму тӧлысь 10-ӧд лунӧ котыртчис сылöн редакционнöй коллегия, кытчö пырисны Ф. Чумбаров-Лучинский, Абрамов, Чижов. Веськöдлысьнас бöрйисны Фёдор Степанович Чумбаров-Лучинскийöс. Татшöм ногöн, «Зырянская жизнь» пыдди 1919-ӧд вося косму тӧлысь 11-ӧд лунсянь лоис «В зырянском краю» газет. Сiйö петiс стöч 50 лун. Усть-Сысольскын политическöй отделение бырöдöм бöрын дас лун мысти нин бара кутiсны лэдзны «Зырянская жизнь» газет.

Вöлi нöшта öти коставлöм. 1919 вося вӧльгым тӧлысь 13 лунö петiс газетлöн 76-öд номер. Сэки белогвардеечьяс матыстчисны нин Усть-Сысольсклань. Та вöсна 77-öд номерсö лэдзисны сöмын ӧшым тӧлысь 5 лунö, карсö мездöм бöрын.

1921-ӧд вося тӧвшӧр тӧлысьсянь газетлы сетiсны «Удж» ним, сы понда, мый Гражданскöй Тыш вöлi помасян выйын, и партия веськöдiс Сöветскöй Россиялысь вынъяссö мирнöй удж вылö.

Газет петiс вежоннас кыкысь, вöлi кык лист бока. Унджык гижöдсö йöзöдiсны рочöн, сöмын öткымын кывбур, юöр да лозунг — комиöн. «Удж» медбöръяысь петiс лӧддза-номъя тӧлысь 9 лунö.

Коми асшöр обласьт котыртöм бöрын ковмис обласьтса газет, да 1921 вося сора тӧлысь 15 лунö лыддьысьысьлы медводдзаысь воис «Югыд туй». Редакторалiс Виктор Савин.

А газетлöн «Югыд туй» нимыс выль олöм тэчысь-лöсьöдысь коми войтырлы вöлi зэв ышöдана да матысса. «Югыд туй» газет дорö коми кыв вылын содтöдöн 1925 воö заводитö петны «Коми сикт». 30-öд воясö «Коми сиктын» редакторалiс Дмитрий Ильич Зезегов (1941 воын Ленинградса фронт вылын усис). Комынöд воясö жö «Коми сикт» пыдди кутiсны петны «Коми колхозник» да «Вöрлэдзысь» газетъяс.

1946 воын «Вöрлэдзысь» газетöн веськöдлiс Николай Павлович Максимов.

1955-ӧд вося рака тӧлысь 8-ӧд лунсянь йöзöдöны кык кыв вылын öти газет — «Красное знамя»-«Гöрд знамя», кöнi редакторалiс А.И. Усов. Но регыд гöгöрвоисны, мый кыдъя комиа-роча газетыд сöмын пöдтö комисö.

Та понда 1956-ӧд вося моз тӧлысь 1-ӧд лунсянь кык кывъя газет чужтö «Коми колхозник». 19561959 воясö редакторнас сэнi вöлi Василий Никитич Сельков.

1959-ӧд вося моз тӧлысь 1-ӧд лунӧ коми газет бара вежö нимсö — «Югыд туй» вылö.

19591963 воясö газетын удж-нокöн веськöдлö Авив Дмитриевич Лыткин.

19631967 воясын «Красное знамя» газет борд улö öтувтчöны коми да роч газетъяслöн редакцияяс. Став вылас «веськӧдлö» локтöм роч журналист В.Баблюк.

Файл:"Югыд туйын" уджалысьяс.jpg
«Югыд туйын» уджалысьяс

19651971 воясö «Югыд туй» газетöн веськöдлiс Василий Егорович Кушманов, сы бöрын 1979 воöдз — Александр Васильевич Сажин.

19791989 воясын «Югыд туй» газетын редакторалö Геннадий Беляев, 19891992 воясö — коми гижысь Александр Ульянов.

1991-ӧд вося тӧвшӧр тӧлысь 1-ӧд лунсянь «Югыд туй» вежö ассьыс нимсö, лыддьысьысьлы воö «Коми му». 19921998 воясö «Коми му» газетын уджöн юрнуöдiс Александр Андреевич Игнатов, 19982003 воясö главнöй редакторöн вöлi Надежда Николаевна Быковская. 20032004 воясö «Коми муын» ыджыдалö бара Александр Ульянов.

Файл:Коми му 2007.12.28.jpg
«Коми му» холдинг (2007 во)

«Коми му» газетын 20042007-ӧд восö шеф-редакторöн уджалӧма Дмитрий Борисович Антоновский; 2007-ӧд восянь главнöй редакторыс Елена Владимировна Плетцер. 2014-ӧд во помсянь шӧр редакторлысь уджвӧчысь — Григорий Фёдорович Хатанзейский; 2019-ӧд вося рака тӧлысь 4-ӧд лунсянь — Е.В. Плетцер.

Коми йӧзӧдчан керкаПравить

2004-ӧд вося урасьӧм тӧлысьын республикаса правительстволöн индöд серти котыртчис «Коми му» газет редакция» Коми Республикаса канму учреждение, кодi öтувтiс «Коми му» да «Йöлöга» газетъяс, «Би кинь» да «Чушканзi» журналъяс. Сiйö кадсяньыс тайö ыджыд котырнас веськöдлӧма Александр Ульянов. Налöн лои öтувъя бухгалтерия да компьютернöй цех. «Коми йӧзӧдчан керка» лӧсьӧдӧм бӧрын на дорӧ ӧтувтісны «Войвыв кодзув» журнал. 2011 вося сора тӧлысьсянь 2014 вося лӧддза-номъя тӧлысьӧдз холдингын ыджыдалӧма Надежда Николаевна Быковская, 2014 вося лӧддза-номъя тӧлысьсянь — веськӧдлысьлысь удж вӧчӧ В.А. Чугаева. 2014-ӧд вося арсянь «Коми йӧзӧдчан керкаӧн» веськӧдлӧма В.В. Попов, 2017-ӧд восянь — Е.В. Плетцер, 2019-ӧд вося рака тӧлысь 4-ӧд лунсянь — Инесса Николаевна Орёл.[1]; [2]

Ӧтуввез-листбокПравить

2011 воын «Коми му» холдинглöн лоис асшöр öтуввез листбок. komimu.com öтуввез-листын эм торъя лист бокъяс быд петаслöн — «Коми му» да «Йöлöга» газетъяслöн, «Чушканзi», «Би кинь» да «Войвыв кодзув» журналъяслöн.

Танi эм бöръя выльторъяс, снимокъяс. Позьö тöдмасьны газет-журналъяслöн историяöн. Ӧтуввезйö быд петас пуктöма pdf форматын. Выль номер петöм водзын йöзöдсьö анонс. Водзö вылö komimu.com кöсйö вӧлі öтувтны коми блогеръясöс, но тайӧ кӧсйӧмсӧ олӧмӧ абу вӧлі пӧртӧма.

Сайтсö вöчöма М.А. Кастрен (Финляндия) нима котырлöн сьöм отсöгöн.

Мукӧд уджПравить

«Коми му» холдинг тшöкыда нуöдö конкурсъяс да коми кыв сöвмöдан уджъяс.

  • 2010 воын юöртiс Мутнича сиктса библиотекалы небöгъяс чукöртöм.
  • 2010 воын «ЛУКОЙЛ-Коми» ПАК сьöм вылö йöзöдiс «Ижма – одна на планете» фотоальбом, кытчö пырисны фотожурналистъялöн уджъясыс.
  • 2011 воö, кор тыри кык во Пӧддельнӧйын олöма йöзлöн керкаын сотчöмлы, «Коми му» дасьтiс часовня кыпöдöм вылö сьöм чукöртан концерт («И наши скорби Богу не чужды»).

«Коми му» холдинг ас сьöм вылö йöзöдö коми гижысьяслысь небöгъяс.

Коми кывъя газетъяслöн лыдыс чинö. 2004 воын «Коми му» газет судзöдiсны 2143 морт, «Йöлöга» – 1260, «Би кинь» журнал – 1540, «Чушканзi» – 883 морт.

ӦшмӧсъясПравить