Изьвайыв (Уква каркытш)

Изьвайыв (рочӧн Изьваиль) — Коми республикаын Уква каркытшӧ пырысь грезд. Водзынсӧ вӧлі пырӧ Изьвайыв сикт овмӧдчӧминӧ.

Изьвайыв Изьваиль
Му:	Рочму
Статус:	грезд
республика:	Коми республика
каркытш:	Уква каркытш
Медводдза казьтыштӧм:	1835
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	38 морт (2010)
Час кытш:	UTC+3+3
Телефон код:	+7 8216
Пошта индӧс:	169341
Автомобиль код:	11, 111

География

Грездсянь Кемдін шӧрсиктӧдз 21 км, Уква карӧдз км.

История

Грезд пукалӧ Изьва юлӧн веськыдладорас. Панӧма 1835 воын Вӧльдін сиктысь Уляшев. Водзынсӧ починокыс шусис «Роздин» (комиӧн — «Росдін»). 1843 воын Василий Латкин аслас йӧзӧдӧм дневникын гижӧ: «живут довольно хорошо; занимаются скотоводством, ловят в борах много тетеревей, стреляют белку. Для них нет в том неудобства, что далеко от погоста, что кругом их пустыня; для их счастья немногое нужно: было бы в избе тепло, был бы кусок хлеба, скот в загоне, да подать была бы оплачена — и они счастливы в этой глуши».

1859 вося списокын — «Позь-Один» («Розь») выселок, 4 овмӧс, 36 олысь; 1892 воын — «Роздинская» грезд, 72 морт.

1894 воын воссьӧма грамота школа, 1904 воын — библиотека да фельдшер пункт (1905 воын фельдшерыс эз на вӧв), 1907 воын — начальнӧй училишӧ.

1916 воын «Роздин» грездын 22 овмӧс, 130 олысь. Унджыксӧ Уляшевъяс, ӧтчыдысьӧн паныдасьлӧ Куратов, Лобанов да Пашнин овъяс.

1918 вося ӧшым тӧлысь 30-ӧд лунӧ сикт нимсӧ вежисны: лои «Изьваиль» (Изьвайыв).

Гражданскӧй тыш дырйи Изьвайылын 1919 вося косму тӧлысьсянь вӧльгым тӧлысьӧдз «гӧрдъяслӧн» партизан отряд, кодъясӧс «еджыдъяс» пасьваритісны.

1926 воын сиктын 26 овмӧс, 140 олысь. 1930 воын Изьвайылын вӧлі фельдшер-акушер пункт, школа, видзму коммуна, керка-читальня, потребительяслӧн котыр, кресьтяналы отсӧг сетан общественнӧй комитет, милициа участок. 1934 во пансигӧн «Красный партизан» коммуна лои артельӧн.

1938 вося мусерпасын — «Изьва-Йыль», 1940 вося мусерпасын — «Изьваиль» («Роздино»).

1939 воын тані олӧма 280 морт, 1959 воын — 220, 1970 воын — 164 (Лач грездкӧд ӧтув — 248 морт), 1979 воын — 90 морт (Лач грездкӧд — 120 морт), 1989 воын — 49 морт. 1990 воын — 54 олысь, 2000 воын — 53 морт.

Олысь лыд

Грездын олӧны комияс.

Вояс да олысь лыд
1859	1892	1916	1926	1939	1959	1970	1979	1989	1990	2000	2010
36	72	130	140	280	220	164	90	49	54	53	38

Медводдза овъяс

• 1835 — Уляшев
• 1916 — Лобанов, Куратов, Пашнин

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.