Иовлева Мария Вячеславовна

Иовлева Мария Вячеславовна – Ванкуверын 2010-ӧд вося X тӧвся Паралимпиада ворсӧмъясын лызьöн котралöмын кыкысь медводдза места да öтчыдысь мöд места босьтысь, Россияын лызьöн котралöмысь витысь медводдза места босьтысь, Россияын спортса заслуженнöй мастер (2010).

Иовлева Мария Вячеславовна
Чужан лун:	1990-ӧд вося урасьӧм тӧлысь 18-ӧд лун(1990-02-18) (34 арӧс)
Чужанін:	Вуктыл
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	биатлонистка
Ошканпасъяс да премияяс:

Файл:Иовлева М.В.jpg

Иовлева Мария Вячеславовна (1990) – Паралимпиада ворсӧмъясын вермысь

Олан туй

• 1990, урасьӧм тӧлысь 18 лун – чужис Ухта карын. Ичöт дырсяньыс инвалид. Мамыс эновтiс кагасö чужтöм бöрас.
• 2002-öд вося кöч тöлысьсянь котралö лызьöн Россияса заслуженнöй тренер Александр Поршнев веськöдлöм улын, ветлöдлö «Олимпиада резервлӧн республикаса специализированнӧй челядьлы да томуловлы спорт школаӧ».
• 2006-öд восянь пырö Россияса паралимпиадаса öтувтöм котырö. Петкöдчö кöляскаа инвалидъяс пöвстын лызьöн котралöмысь да биатлонысь ордйысьöмъясын. Аслас категорияа йöз пöвстын (LW 12 висьöм) сiйö лыддьысьö медвына котралысьöн.
• Гора ас йывсьыс Мария Иовлева юöртiс 2004-öд вося рака тöлысьö инвалидъяс костын лызьöн котралöмын Россияса чемпионат дырйи, кодi мунiс Перым карын. Сэки сiйö босьтiс нёль медводдза места.
• Мукöд воас некымынысь вермылiс инвалидъяс пöвстын Россияса чемпионатъясын. 2008-öд воын Сыктывкарын инвалидъяслöн I тöвся Россияса Спартакиада вылын босьтiс кык медводдза места.
• 2006-öд воын Германияын мирса Кубок дырйи котралöмын вöлi 6-ӧд мортöн.
• 2007-öд воын Солефтеа карын (Швеция) да Воукатти карын (Финляндия) мирса Кубок дырйи босьтiс эзысь да кык ыргöн медаль.

Вермöмъяс

2010-öд вося X тöвся Паралимпиада ворсöмъяс дырйи награда сетiгöн. Биатлон. Олена Юрковская (Украина, зарни), Мария Иовлева (Россия, эзысь), Людмила Павленко (Украина, ыргöн).

• Ванкуверын 2010-ӧд вося X тöвся Паралимпиада ворсöмъяс дырйи 3х2,5 км вылö эстафестаын зарни: кад – 20.23,2 (Мария Иовлева, Михалина Лысова, Любовь Васильева).
• Ванкуверын 2010-ӧд вося тöвся X Паралимпиада ворсöмъяс дырйи 2,4 км вылö котöртiгöн биатлонын – эзысь. Норматив тыртöмысь сетöма «Россияын спортса заслуженнöй мастер» почётнöй спортивнöй звание.
• Сочиын Россияса чемпионат дырйи 10 км вылö пукалысь спортсменъяс пиын биатлонын – зарни (2012, рака тöлысь 6 лун). Ордйысьöмъясыс мунiсны 2014-ӧд вося тöвся XI Паралимпиада ворсöмъяслöн тест-трассаяс вылын. Вермасисны спортсмен-инвалидъяс, кодъяслöн торкöма ветлöдлöмыс да синмыс.
• Сочиын Россияса чемпионат дырйи гонка-биатлонын – зарни (2012, рака тöлысь 7 лун).
• Сочиын Россияса чемпионат дырйи 6 км вылö спринт котöртiгöн гонка-биатлонын – зарни (2012, рака тöлысь 9 лун).
• Сочиын Россияса чемпионат дырйи лызьöн спринт котöртiгöн – зарни (2012, рака тöлысь 10 лун).
• Сочиын Россияса чемпионат дырйи 5 км вылö лызьöн спринт котöртiгöн – зарни (2012, рака тöлысь 11 лун).

Наградаяс

Дмитрий Медведев да Мария Иовлева Почёт орден сетiгöн

• Почёт орден (2010, рака тöлысь 26 лун) — «Физическӧй культура да спорт сӧвмӧдӧмӧ ыджыд пай пуктӧмысь, Ванкуверын (Канада) 2010-ӧд вося X тöвся Паралимпиада ворсöмъясын ыджыд спортивнӧй вермӧмъясысь».
• Коми Республикаса физическöй культура, спорт да туризм агентстволöн Почёт грамота (2007) – «Спортын ыджыд вермӧмъясысь да физическӧй культура да спорт пропагадируйтӧмысь».

Ыстöдъяс

• Указ Президента Российской Федерации от 26 марта 2010 года № 373
• Профиль на сайте Паралимпийских игр 2010 года в Ванкувере
• http://komi.kp.ru/daily/24458.4/620175/
• https://web.archive.org/web/20100608061811/http://vmeste.pravmir.ru/mariya-iovleva-budni-chempionki/
• https://www.komiinform.ru/services/persons/170/
• https://www.komiinform.ru/news/87317/