Истомин Михаил Фёдорович

Истомин Михаил Фёдорович
Чужан лун:	1821
Кулан кад:	1862
Мыйся уджыс:	учёный, гижысь

Истомин Михаил Фёдорович (1821—1862) — коми кыв да асму туялысь, гижысь.

Олан туй

Михаил Истомин чужӧма 1821-ӧд вося вӧльгым тӧлысь 1-ӧд лунӧ Кардор губерняын Мезень уезда Изьва сиктын (ӧні Коми республикаын).

Роч да коми кындзи тӧдӧма латин, грек да франсуз кывъяс. Помалӧма Кардорын духовнӧй училишӧ да семинария. Служитӧма Кардор губерняса управлениеын, «Кардор губерняса ведомосьтъяс» редакцияын. Бӧръя олан воясас вӧлӧма Кардор портса архивын начальникӧн.

Кулӧма 1862-ӧд вося ӧшым тӧлысь 7-ӧд лунӧ Кардорын.

Туялан да гижан удж

Истомин М.Ф. пуктӧма тӧдчана пай коми культура тулӧмӧ.

1844-ӧд воын «Архангельские губернские ведомости» газетын медводдзаысь вӧлі йӧзӧдӧма сылысь кывбуръяссӧ: «Душа праведника», «Два путника», «Марк Ботцарис». Газетас сылӧн петавлӧмаӧсь и мукӧд гижӧд: «История и экономика Северного края», «О составе ижемско-зырянского народа», «Бой оленей в Ижме», «Описание реки Печоры», «Ковдозеро в бывшем Кольском уезде», «Первые известия англичан об Архангельском крае», «Соломбала в XVIII веке», «Соломбальская купеческая гавань», «Об источниках доходов Соломбальского селения» да мукӧд.

Йӧзӧдӧма 1848-ӧд воын «Кардор губерняса ведомосьтъясын» Яг морт йылысь предание. Тайӧ удж полулас дасьтісны Яг морт йылысь ассьыныс гижӧдъяссӧ коми гижысьяс Иван Куратов, Каллистрат Жаков, Михаил Лебедев.

М.Ф. Истомин йӧзӧдлӧма кывбуръяс, коми кыв йылысь уджъяс, Н.В. Гоголь да Н.В. Кукольниклӧн пьесаяс подулын Кардорса театрын пуктӧм спектакльяс йылысь.

Ӧшмӧсъяс

• Мартынов В. Истомин Михаил Фёдорович // Республика Коми: энциклопедия. Сыктывкар, 1999. — Т. 2. — С. 44—45.
• Костромина И. Краевед и поэт // Связь времен. Сыктывкар, 2000. — С. 152.
• Лимерова В. А. Певец Севера Михаил Фёдорович Истомин // Арт. 2012. — №1. — С. 78—89.
• Коми Республикаса Вужвойтырлӧн небӧгаин