Открыть главное меню

Козлов Энгельс Васильевич (19262007) — СССР-са нимйӧза серпасалысь.

Содержание

Олан туйПравить

Энгельс Козлов чужӧма 1926 вося рака тӧлысь 24-ӧд лунӧ Коми (Зыряна) асвеськӧдлан обласьтын Кулӧмдін уездса Мылдін сиктын. 19371939 воясын велӧдчӧма Сыктывкар пионер керкабердса челядь художествоа школаын. Помалӧма Сыктывкарын шӧр школа. 19471949 воясын велӧдчӧма Ярославльса художествоа училишӧын, 19491950 воясын — Ленинградса художественнӧ-педагогическӧй училишӧын.

1950 воын Энгельс Козлов пырӧма велӧдчыны И.Е. Репин нима живопись, скульптура да архитектуралӧн Ленинградса институтысь живопись пакультетлӧн медводдза курсӧ. Велӧдчӧма Виталий Вальцев да Иван Степашкин дорын. 1956 воын помалӧма институтысь Юрий Непринцевлысь мастерскӧйсӧ живопись серпасалысь квалификацияӧн. Диплом уджыс — «Будет жить!» серпас.

19611963 воясын уджалӧма Художествояс академиялӧн творческӧй мастерскӧйын В.М. Орешников веськӧдлӧм улын. По окончании института остался в Ленинграде,

Кулӧма 2007 вося вӧльгым тӧлысь 20-ӧд лунӧ Петыркарын.

Серпасян уджПравить

Выставкаясӧ пырӧдчӧма 1956 восянь. Гижӧма портретъяс, история тема серпасъяс, вӧр-ва да натюрморт. 1957 восянь пырӧ Серпасалысь котырлӧн ленинградса юкӧнӧ.

Энгельс Козлов гижӧма ас кадся йӧзсӧ. На лыдын: «Портрет заслуженного врача РСФСР И.Л. Вахнина» (1954), «Судоремонтники» (1960), «Колхозница» (1960), «Скоро экзамены» (1961), «Девочка-коми» (1962), «Родная земля» (1964), «Портрет электрослесаря Б. Беленкова» (1964), «Портрет проходчика С. Беляка» (1964), «Портрет Н. Калистратова, машиниста угольного комбайна» (1964), «Машенька» (1965), «Хлеб» (1967), «В шахтеры» (1967), «Портрет архитектора» (1969), «Портрет А.К. Микушева» (1970), «Портрет адмирала Н. М. Кулакова, Героя Советского Союза» (1971), «Портрет В. Курбатова, бригадира-станочника» (1971), «Портрет филолога В. Малышева» (1972), «Портрет народного художника Ю. Непринцева» (1972), «Портрет жены» (1973), «Портрет профессора В.И. Лыткина» (1973), «Портрет рабочего Кировского завода К. Говорушина» (1976), «Портрет студентки И. Шепелиной» (1977), «Портрет композитора П. Чисталёва» (1977), «Портрет писателя Г.А. Фёдорова» (1979), «Портрет балерины Инны Чуистовой» (1979), «Призыв» (1980), «Портрет А.И.Туркина, доктора филологических наук» (1995), и мукӧд.

Уна гижӧма Войвыв тӧдмалӧм да сӧвмӧдӧм тема вылӧ. Ветлӧдлӧма Укваса мусир перйысьяс (19611963), Интаса шахтёръяс дорӧ (19611963, 1964, 1966, 19871989), Печора вылӧ (1965, 1968, 1969), Усинскса мусир корсьысьяс дорӧ (1971, 1973). Дасьтӧм этюдъяс бӧрын сійӧс унаӧн кутісны тӧдны. Дасьтӧма татшӧм серпасъяс, кыдзи: «В шахтёры» (1967), «Чёрное золото» (1969), «На Печоре» (1971), «Буровики на Колве» (1971), «Вахта начинается» (1975), «Нефтяники Печоры» (1975).

Энгельс Козлов вӧлӧма РСФСР-са серпасалысьяслӧн II, III, IV, V съездса делегатӧн (1968, 1971, 1975, 1981), СССР-са серпасалысьяслӧн V да VI съездса делегатӧн (1977, 1982). Сійӧс унаысь бӧрйылӧмаӧсь РСФСР-са серпасалысь котырлӧн ленинградса юкӧн правленьӧӧ.

Э. Козловлысь серпасъяссӧ видзӧны Роч канму музейын, Рочму регионса мукӧд музейын да ас киын, Японияын, Китайын, АӦШ-ын, Кореяын, Голландияын, Швейцарияын, Италияын, Францияын да мукӧд странаын.

Котырлӧма 180 гӧгӧр выставка.

НаградаясПравить

  • РСФРС-са нимӧдана серпасалысь (1978)
  • РСФСР-са нимйӧза серпасалысь (1987)
  • Коми АССР-са нимйӧза серпасалысь (1982)
  • Коми АССР-са искусствоясын нимӧдана уджалысь (1971)
  • Коми Республикаса канму премия босьтысь (1999)
  • Наукаяс да искусствояслӧн Петырса академияысь действительнӧй шлен (1996)

ÖшмöсъясПравить

ЫстӧдъясПравить