Ульянов Александр Васильевич

Ульянов Александр Васильевич
Чужан лун:	1953-ӧд вося кӧч тӧлысь 9-ӧд лун(1953-09-09) (67 арӧс)
Чужанін:	Кулӧмдін, Коми Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	коми гижысь, журналист, главный редактор

Ульянов Александр Васильевич (комиӧн — Паш Вась Ӧльӧксан, 1953) — коми гижысь.

Олан туй

• Александр Ульянов чужис Коми АССР-ын Кулӧмдін сиктын 1953 вося кӧч тӧлысь 9 лунӧ. Помаліс Дереваннӧй сиктса шӧр школа.
• 1975 воын помаліс Коми канмуса педагогика институтысь филология факультетса коми юкӧн, 1987 воын — Ленинградса вылыс партийнӧй школа.
• Уджавліс «Красное знамя» газетын корреспондентӧн, «Коми му» газетын редакторӧн. Некымын во вӧлі «Войвыв кодзув» журналын шӧр редакторӧс вежысьӧн.
• 1994 вося вӧльгым тӧлысьсянь — Коми небӧг лэдзанінын директор, 1999 вося вӧльгым тӧлысьсянь уджалӧ «Эскӧм» небӧг лэдзанінын.
• 2004—2011 воясӧ веськӧдліс «Коми му» газет редакцияӧн, кытчӧ ӧтувтісны коми кывъя нёль газет-журнал.

Гижан удж

Медводдза кывбуръяссӧ йӧзӧдіс Кулӧмдiн районса «Парма гор» газетын. Сёрӧнджык кутіс гижны проза. Висьтъясас да очеркъясас восьтӧ коми сикт вӧсна ассьыс дойсӧ, мӧвпалӧ сылӧн аскиалун йылысь. Гижӧдъяссӧ «Сельская жизнь» газет пасйис «Медбур очерк» нимпасын мӧд премияӧн.

1992 воын вуджӧдіс «Челядьлы Библия» да йӧзӧдіс «Коми му» газетын. 1994 воын Александр Ульянов пырис Россияса гижысь котырӧ.

2013 воын Александр Ульянов лои вермысьӧн «Эзысь борд» республикаса литературнӧй конкурсын, мый лӧсьӧдіс Коми Республикаса каналан сӧвет, «Публицистика» нимпасын.

Небӧгъяс

Комиӧн

• Сьӧд ар: эссе, висьтъяс, повесьт. — Сыктывкар: Коми книжнӧй издательство, 1992. — 160 лб.
• Изъя чой: висьтъяс. — Сыктывкар: Коми небӧг лэдзанін, 2001. — 128 лб.
• Выль керка: висьтъяс. — Сыктывкар: «Эскӧм», 2003. — 212 лб.
• Олӧмыслӧн пыдӧсыс оз тыдав: повесьтъяс, висьтъяс, публицистика юкӧн. — Сыктывкар: «Эскӧм» небӧг лэдзанін, 2013. — 488 лб.

Рочӧн

• Деревенька моя. — Сыктывкар.
• Глубинка. — Йошкар-Ола, 2011.

Мари кывйӧн

• Тора ял / Вуджӧдіс Евгений Садовин. — Йошкар-Ола, 2015. — 488 лб.

Наградаяс

• Коми Республикаса Веськӧдлан Котырлысь премиа босьтысь «журналистика» юкӧнын (2008)
• «Эзысь борд» премиа босьтысь «публицистика» юкӧнын (2013)

Ӧшмӧсъяс

• Коми гижысь котыр сайтын А.В. Ульянов йылысь
• Паш Вась Ӧльӧксан гижӧдъяс йылысь FU-Lab сайтын