Кудряшова Вера Михайловна
Кудряшова Вера Михайловна | |
Чужан лун: |
1946-ӧд вося моз тӧлысь 17-ӧд лун (77 арӧс) |
---|---|
Чужанін: | |
Мыйся уджыс: |
Кудряшова Вера Михайловна (1946) — коми фольклор туялысь, филологияса кандидат.
Олан туй вежны
Вера Кудряшова чужӧма Сыктывкар бердса Тентюков сиктын 1946-ӧд вося моз тӧлысь 17-ӧд лунӧ. 1973-ӧд воын помалӧма Коми канмуса педагогика институтысь филология факультет. 1966-ӧд воын пырӧма уджавны СССР-са наукаяс академиялӧн Коми филиалысь кыв да литература юкӧдӧ лаборантӧн. 1977-ӧд восянь уджалӧ Кыв, литература да история институтын младшӧй научнӧй сотрудникӧн, 1989-ӧд восянь — научнӧй сотрудникӧн, 1993-ӧд восянь — старшӧй научнӧй сотрудникӧн. 1985-ӧд воын дорйӧма Роч литература институтын (Пушкин керкаын) «Русско-коми фольклорные связи в устной прозе» тема серти филологияса кандидат ним вылӧ диссертациа.
Туялан удж вежны
В.М. Кудряшова туялӧма коми фольклорлысь ичӧт жанръяс (приметаяс, нимкывъяс), устнӧй проза (мойдъяс да быличкаяс), коми фольклорлысь роч да фин-йӧгра фольклоркӧд йитӧдъяссӧ.
Йӧзӧдӧма 100 сайӧ туялан удж, на лыдын: «Коми народные приметы» (1993), «Коми народные загадки» (2008), «П.Г. Доронин. Мойд небӧг. Книга сказок» (2004) (мукӧдкӧд ӧтвылысь) да «Фольклор ижемских коми в Ненецком автономном округе» (2014) (мӧдкӧд ӧтлан) фольклор текст чукӧръяс, «Научные доклады» да «Люди науки» сериаясын кык брошюра (мукӧдкӧд ӧтвылысь); дасьтма «Дёмин В.Н.: страницы воспоминаний» (Сыктывкар, 2001) небӧг.
Унаысь ветлӧма экспедицияӧ Большеземельскӧй да Малоземельскӧй тундраӧ, Тюмень обласьтӧ, вӧлӧма Коми Республикаса уна сиктын.
Ас кадӧ зільӧма «Сыктывкар» общественнӧй котырын.
Небӧгъяс вежны
- Кудряшова В.М. Отражение древнего мировоззрения в коми паремиях / Науч. доклады Коми НЦ УрО АН СССР. — Сыктывкар, 1988. — Вып. 198. — 20 с.
- Коми народные приметы / Сост. В.М. Кудряшова. — Сыктывкар: Коми кн. изд-во, 1993. — 192 с.
- Кудряшова В.М., Горчаков А.Г., Жеребцов И.Л. Прометей Ионович Чисталёв / Серия «Люди науки» Коми НЦ УрО РАН. — Сыктывкар, 1997. — 40 с.
- Мойд небӧг. Книга сказок: Сказки, собранные Павлом Дорониным (К 100-летию со дня рождения П.Г. Доронина, ученого-историка, писателя, литературного критика, фольклориста) / Сост. О.И. Уляшев, В.М. Кудряшова, И.А. Плосков. — Сыктывкар: Коми кн. изд-во, 2004. — 464 с.
- Коми народные приметы / Сост., вступ. ст., переводы В.М. Кудряшовой. Издание второе, исправленное и дополненное. — Сыктывкар, 2006. — 192 с.
- Загадки народа коми / Сост., вступ. ст. В.М. Кудряшовой. — Сыктывкар, 2007. — 192 с.
- Фольклор ижемских коми в Ненецком автономном округе: сборник фольклорных текстов / Сост. А. Н. Рассыхаев, В. М. Кудряшова. — Сыктывкар–Нарьян-Мар, 2014. — 504 с.
- А. Н. Рассыхаев, В. М. Кудряшова. Рочев Юрий Герасимович. — Сыктывкар, 2017. — 68 с.
Наградаяс вежны
- «Уджвывса ветеран» медаль
- Россия наукаяс академиялӧн Почёт грамота
- Россия наукаяс академияысь Урал юкӧнлӧн Почёт грамота (2005)
Ӧшмӧсъяс вежны
- Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — 212 с.
- Кыв, литература да история институтысь фольклористъяс (рочӧн)
- Кыв, литература да история институтса сайтын В.М. Кудряшова йылысь (рочӧн)