Куратова Нина Никитична

Куратова Нина Никитична
	Куратова Нина Никитична
Чужан лун:	1930-ӧд вося урасьӧм тӧлысь 17-ӧд лун
Чужанін:	Кебра, Сыктыв район, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз;
Кулан кад:	2022-ӧд вося моз тӧлысь 16-ӧд лун (92 арӧс)
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	воспитательница, писательница
Ошканпасъяс да премияяс:

Шаблон:Серпасыс абу

Куратова Нина Никитична (комиӧн Микит Нина, 1930—2021) — коми гижысь, Коми Республика нимйӧза гижысь.

Олан туй

Нина Куратова чужӧма 1930-ӧд вося урасьӧм тӧлысь 17-ӧд лунӧ Кебра грездын, öнiя Куратов сикт. 1941 воын – Айму вӧсна Ыджыд тыш дырйи, кор нывкалы вöлӧма 11 арöс, батьыс пуктӧма юрсö фронт вылын, мамыс кулӧма тшыгъялöмысь. Нинаöс чойясыскöд быдтӧма пöрысь пöчыс. Нывъяслы ичöтдырсянь öти кадö ковмӧма велöдчыны да уджавны колхозын. Нина Куратова 14 арöссянь кутӧма отсасьны Кебраса бать-мамтöм челядьлöн керкаын, уджалӧма войся воспитательöн.

1946 воын Нина Куратова помалӧма школа, 1949 воын – Сыктывкарса педагогика училишӧ. 1949–1951 воясӧ уджалӧма воспитательöн Серегов сиктын да Ухта карын. 1951–1956 воясӧ олӧма ГДР-ын, кор сэтчӧ верöссö ыстылӧмаӧсь удж вылö. 1956–1971 воясӧ уджалӧма воспитательöн Инта, Вӧркута, Сыктывкар каръясын. 1962 воын бöр воöма овны Сыктывкарö. 1971 восянь Коми АССР-са гижысь котырын литконсультант. Олӧма Сыктывкарын.

Кулӧма 2021-ӧд вося моз тӧлысь 16-ӧд лунӧ.^[1]

Гижан удж

Аслас гижан сямсö петкöдлӧма 1964-ӧд воын «Аппассионата» висьтöн. 1968-ӧд воын сьöрсьöн-бöрсьöн петöны гырысьджык гижöдъяс — «Марьюшка» да «Батьяс йылысь висьт».

Нина Куратова — медводза коми нывбаба-гижысь, кодi пырöдчис Ыджыд тыш визьö. Медшöр геройöн сылöн гижöдъясас лоö прöст коми нывбаба да сылöн сьöкыд олöм.

СССР-са гижысь котырӧ пырысь (1978).

Небöгъяс

Нина Куратовалӧн челядьлы да верстьӧлы петавліс комиӧн и рочӧн 19 небӧг:

Комиӧн

Кöч гöснеч: поснияслы висьтъяс. — Сыктывкар: Коми кн. изд-во, 1972. — 16 л.б.
Радейтана муса: повесть, висьтъяс. — Сыктывкар: Коми кн. изд-во, 1974. — 176 л.б.
Вайӧ тӧдмасямӧй: [висьтъяс]. — Сыктывкар: Коми кн. изд-во, 1977. — 48 л.б.
Бобöнянь кöр: повестьяс, висьтъяс. — Сыктывкар: Коми кн. изд-во, 1983. — 216 л.б.
Öтка пöтка. – Сыктывкар, 1985
Вӧр гормӧг: повестьяс, висьтъяс. — Сыктывкар: Коми кн. изд-во, 1989. — 160 л.б.
Мишук быдмö лунысь лун: посни челядьлы висьтъяс. — Сыктывкар: Коми кн. изд-во, 1991. — 12 л.б.
Бобӧяс ті бобӧяс, нывкаяс да зонкаяс: кывбуръяс, нӧдкывъяс. — Сыктывкар: Коми кн. изд-во, 1993. — 32 л.б.
Аддзысьлам на тшук: повестьяс да висьтъяс. — Сыктывкар: Коми кн. изд-во, 1995. — 240 л.б.
Кӧні узьлӧ шонді: висьтъяс. — Сыктывкар: Коми кн. изд-во, 1998. — 80 л.б.
Йӧктігтырйи тувччӧмӧй: висьтъяс, повесьт. — Сыктывкар: Коми небӧг лэдзанін, 2002. — 294 л.б.
Грамотей Петя да тшапунька Люба: кывбуръяс, висьтъяс, нӧдкывъяс, ворсан-сьыланъяс. — Сыктывкар: Коми небӧг лэдзанін, 2005. — 110 л.б.
Менам дона сикӧтш-ожерельеӧй: повесьтъяс, висьтъяс, пьесаяс, олӧмысь серпасторъяс. — Сыктывкар: «Анбур», 2009. — 750 л.б.
Куратова Н.Н. Куим небӧгӧ ӧтувтӧм гижӧд чукӧр. 1 том: повесьтъяс, висьтъяс. — Сыктывкар: «Анбур», 2015. — 608 л.б.
Куратова Н.Н. Куим небӧгӧ ӧтувтӧм гижӧд чукӧр. Повесьтъяс, висьтъяс, казьтылӧмъяс. — Сыктывкар: «Анбур», 2017. — Т. 3. (650 экз.)^[2]

Роч вылӧ вуджӧдӧмӧн

Горсть солнца. — Сыктывкар, 1980.
Вкус цветущего клевера. — Москва, 1982.
Давайте познакомимся. — Сыктывкар, 1984.
Волчье лыко. — Сыктывкар, 1989.

Наградаяс

Коми АССР-са культураын нимӧдана уджалысь (1980)
И.А. Куратов нима канму премия босьтысь (1986)
Коми Республикаса нимйӧза гижысь (2001)
Россияса культураын нимӧдана уджалысь (2010)

Ӧшмӧсъяс

Писатели Коми: Библиографический словарь / Ред. В.Н. Дёмин. — Сыктывкар, 1996. — Т. 1. — Лб. 274—277
Ситникова В. Нина Куратова «Судьба женщины – готовый роман»: рекомендательный список литературы. — Сыктывкар, 2010.
Ванеев А. Е. Куратова Нина Никитична // Республика Коми: Энциклопедия в 3-х т. — Сыктывкар, 1999. — Т. 2. — С. 176.
https://web.archive.org/web/20120118075245/http://foto11.com/komi/writer/nkuratova.php

Ыстӧдъяс

[1] Умерла первая профессиональная коми писательница // «Комиинформ» (2021.08.17-ӧд лун, рочӧн)

[2] Джавршян Г. В Коми вышел в свет третий том сборника произведений Нины Куратовой // «Комиинформ» юӧр сетан агентство (2018.01.17 лун; рочӧн)

[1]

[2]

Куратова Нина Никитична
Чужан лун:	1930-ӧд вося урасьӧм тӧлысь 17-ӧд лун(1930-02-17)
Чужанін:	Кебра, Сыктыв район, Коми Автономнӧй Сӧветскӧй Социалистическӧй Республика, РСФСР^[d], Сӧветскӧй Социалистическӧй Республикаяслӧн Союз
Кулан кад:	2022-ӧд вося моз тӧлысь 16-ӧд лун(2022-08-16) (92 арӧс)
Канму:	Сӧветскӧй Социалистическӧй Республикаяслӧн Союз Рочму
Мыйся уджыс:	воспитательница, писательница
Ошканпасъяс да премияяс: