Куратов Виталий Константинович
| Куратов Виталий Константинович | |
| Чужан лун: |
1933-ӧд вося тӧвшӧр тӧлысь 6-ӧд лун |
|---|---|
| Чужанін: | |
| Кулан кад: |
2003-ӧд вося йирым тӧлысь 20-ӧд лун (70 арӧс) |
| Мыйся уджыс: | |
Куратов Виталий Константинович (1933—2003) — коми гижысь, журналист.
Олан туй вежны
Виталий Куратов чужис 1933 вося тӧвшӧр тӧлысь 6-ӧд лунӧ Сыктыв районса Кебра сиктын. Тані жӧ помалiс 7 класса школа. 1950 воын помаліс Сыктывкарса ӧтиӧд номера Гӧрд Затонса ремесленнӧй училишӧ. 1952 воӧдз уджаліс паракод вылын кочегарӧн. Сэсся служитіс Сӧветскӧй армиаын. Воӧм бӧрын уджаліс электрикӧн «Куратов» совхозын. 1960 восянь сійӧ журналисталіс «Знамя коммунизма» газетын да радиоын, инспектораліс партияса райкомын. 1965 воын Визин сиктын рытъя шӧр школа помалӧм бӧрын сійӧс мӧдӧдісны Ленинградса вылыс партийнӧй школаӧ. 1969 восянь уджаліс Койгорт районса «Новая жизнь» газетын шӧр редакторӧс вежысьӧн. Сэсся уджаліс экономистӧн Коми Республикаса видз-му овмöс министерствоын Сбербанкын.
Куліс 2003 вося йирым тӧлысь 20-ӧд лунӧ.
Гижан удж вежны
Виталий Куратовлысь «Салдат тэрмасьӧ гортас» медводдза висьт 1956 воын йӧзӧдлiс «Войвыв кодзув» журнал. Сэсся вöліны «Мусуктӧ сьӧлӧмыд бӧрйӧ», «Олӧмыс чуксалӧ» да «Радейтам тэнӧ, Олеся» повесьтъяс да некымын висьт. 2003 воын петіс сылöн «Кӧин котыр» медводдза проза чукöр. Аслас гижӧдъясын автор висьталӧ радейтчӧм да ёртасьӧм йылысь, уджын водзмӧстчысьяс йылысь, серамбана ёсь гижӧдъяснас янӧдiс олӧмсӧ дзугысьясӧс, юысь-кодалысьясӧс да дыш йӧзӧс.
Кулӧм бӧрас В.К. Куратовлӧн Анна Фёдоровна гӧтырыс, бур йӧзыс да гижысь-ёртъясыс водзмӧстчисны да дасьтісны «Мусуктӧ сьӧлӧмыд бӧрйӧ» выль небӧг (2009). Выль гижӧд чукӧрӧ пырисны медводдза небӧгысь висьтъяс да «Войвыв кодзув» журналын йӧзӧдлӧм гижӧдъяс, повесьтъяс, олӧмысь войтъяс, пьеса. Виталий Куратовлӧн гижӧдъясын шӧр геройяснас лоӧны ныв-зонъяс, мужичӧйяс, нывбабаяс, кодъяслӧн петкӧдчӧ ӧта-мӧдкостса йитӧдъясныс, семьякостса миритчыны позьтӧм мытшӧдъясныс, горш йӧзкӧд веныс. И быдтор позьö венны, кор эм радейтöмлӧн би.
Гижис сидзжӧ серамбана висьтъяс.
Небӧгъяс вежны
- Кӧин котыр: висьтъяс / Ред. А.В. Тентюков; серпасаліс В.А. Клейман. — Сыктывкар: Коми небӧг лэдзанін, 2003. — 112 л.б.
- Мусуктӧ сьӧлӧмыд бӧрйӧ: повесьтъяс, висьтъяс, олӧмысь войтъяс, пьеса / Ред. Л.Н. Хатанзейская; серпасалiс А.В. Мошев. — Сыктывкар: Анбур, 2009. — 432 л.б.