Лихачевскӧй (Луздор район)

Лихачевскӧй (рочӧн Лихачевская) – Коми Республикаын Луздор районса Ношуль сикт овмӧдчӧмин улӧ пырысь грезд.

Лихачевскӧй Лихачевская
Му:	Рочму
Статус:	грезд
республика:	Коми республика
район:	Луздор район
Медводдза казьтыштӧм:	1620
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	89 морт (2007)
Час кытш:	UTC+3+3
Телефон код:	+7 821 33
Пошта индӧс:	168150
Автомобиль код:	11, 111

География

Грезд пукалӧ Луз юлӧн веськыд берегын. Лихачевскӧйсянь Ношуль шӧрсиктӧдз 8 км, Абъячой юрсиктӧдз 41 км, Сыктывкар юркарӧдз 230 км.

История

• Артмис XVII нэм пансигӧн.
• 1620 — Медводдзаысь казьтыштӧма: «деревня починок в Козгорте у реки у Лузы новая роспашь», 1 овмӧс, кӧні оліс Иван Осипович (овыс абу пасйӧма). Неылын («на той ж земле в выставке») сулаліс нӧшта ӧти овмӧс, кӧні оліс Артемий Осипович.
• 1625 — Грездын вӧлі 3 овмӧс, кӧні олісны Иван да Артемий Осиповичьяс да Исаак Иванович (овъясыс абу тӧдса).
• 1645 — Тані коли сӧмын ӧти олан керка, кӧні оліс Григорий Афанасьевич (овсӧ абу индӧма). Мукӧдыс кувсисны 1630—1640—ӧд воясӧ тшыглунысь. Бӧръя олысьыс куліс тшыгъялӧмысь 1668 воӧ.
• 1678 — Грезд гижӧма кыдзи «Лихачёвская». Нимыс артмӧ грездӧ овмӧдчысь выль йӧзлӧн ов серти — Дмитрий Григорьевич Лихачёв, Михаил да Акинфей Андронович Лихачёвъяс да мукӧд.
• 1719 — Грездын оліс 39 мужичӧй (нывбабаяс йылысь юӧр абу). Индӧма налысь овъяссӧ: медтшӧкыда паныдасьлӧ Лихачёв ов, вӧлі сідзжӧ Можегов (гашкӧ, перымса комиясысь) да мукӧд.
• 1859 — «1-я Лихачевская» («Кось-Вӧлӧк») грездын, мый матынджык Ношульлань, вӧлі 8 овмӧс, 72 морт; «2-я Лихачевская» грездын — 22 овмӧс, 209 морт.
• 1905 — Воссис земскӧй училишӧ.
• 1916 — «Большая Лихачёвская» грездын вӧлі 31 овмӧс, 181 морт; «Лихачёвская» грездын — 26 овмӧс, 144 морт.
• 1926 — «Косьвӧлӧк» («Большая Лихачёвская») грездын вӧлі 38 овмӧс, 202 морт; «Лихачёвская» грездын — 36 овмӧс, 211 морт.
• 1940-ӧд да 1962—1963 воясся инним картаяс вылын — «Лихачёво» да «Кось-Волок».
• 1978, рака тӧлысь 28 лун — Тайӧ грездъясыс вӧлі ӧтувтӧма «Лихачёвская» грездӧ.
• 1995 — 43 овмӧсын олӧ 135 морт; 1998 — 40 овмӧсын олӧ 131 морт ; 2000 — 34 овмӧсын олӧ 118 морт.

Олысь лыд

Грездын олӧны комияс.

Вояс да олысь лыд
1979	1989	1995	1998	2000	2007
199	112	135	131	118	89

Медводдза овъяс

• 1678 — Лихачёв.
• 1719 — Алимпиев, Ичёткин, Лихачёв, Можегов, Пономарёв, Черноков, Шулепов.

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
• Республика Коми: Административно-территориальное деление на 1 августа 1992 г. Издание пятое. – Сыктывкар, 1992.
• Республика Коми: Энциклопедия. – Сыктывкар, 1997-2000. – Т. 1-3.