Маркова Галина Петровна

Маркова Галина Петровна

Маркова Галина Петровна (1950) — сценарист, телережиссёр, Россияса культураын нимӧдана уджалысь.

Олан туй

Галина Маркова чужӧма Коми АССР-ын Луздор районса Абъячойын 1950-ӧд вося вӧльгым тӧлысь 23-ӧд лунӧ. Помалӧма Абъячойса шӧр школа, Коми канмуса педагогика институтысь филология пакультет (1974).

1977-ӧд восянь уджалӧма «Коми гор» телерадиокомпанияын.

Удж

Коми телевидениеын медводдзаяс лыдын босьтчӧма снимайтны коми фольклор серти уджъяс. Коми йӧзлӧн традицияяс да обрядъяс йылысь «Кӧка войяса му» телефильмысь Фин-йӧгра войтырлӧн I войтыркостса телефестиваль дырйи 1991-ӧд воын сетӧма медшӧр приз. Фильмсӧ вӧлі петкӧдлӧма Россияса шӧр каналъясті да Венгрияын. 1995-ӧд воын тайӧ фильмыс вӧлі петкӧдлӧ Рочмунымӧс «Радуга» ставмирса телефестивальын.

Галина Маркова дасьтӧма да снимайтӧма художествоа татшӧм дженьыд фильмъяс, кыдзи «Трипан Вась» (Тима Вень висьт серти), «Войвыв кӧш улын» (изьва-колваса эпос серти).

Г. П. Маркова вӧлӧма «Финно-угорский мир» (1993) ӧтувъя тележурнал котыртысьяс лыдын.

«Я хочу жить в тундре» телефильмсӧ петкӧдлӧма «Дети и экология: 21 век» ставмирса II телефестивальын (1999).

«Колесо времени» телепроект ӧтувтӧ вит фильм, кӧні петкӧдлӧма комияслӧн во гӧгӧрся йӧзкостса праздникъяс да керка кыпӧдӧм.

Г. Маркова дасьтӧма сідзжӧ медводдза коми гижысь-романист В. В. Юхнинлӧн «Бианюр» повесьт серти фильм.

Общественнӧй удж

Веськӧдлӧма «Землячество Прилузья» ӧтмунӧмӧн.

Наградаяс

• Коми Республикаса нимӧдана уджалысь (1997)
• Россияса культураын нимӧдана уджалысь
• Коми Республикаса канму премия босьтысь
• Луздор районса Почёта гражданин

Ӧшмӧсъяс

• Маркова Галина Петровна // Республика Коми. Энциклопедия: в 3-х т. — Сыктывкар: Коми кн. изд-во, 2000. — Т. 3. — С. 375—376.
• Кинорежиссер Галина Маркова завершила съемки нового фильма о коми народе // «Финноугория» юӧр сетан шӧрин (2013.07.01; рочӧн)
• Колесо времени Галины Петровны Марковой // Серпасасян искусство да кипод уджлӧн Луздор районса шӧрин (2016.12.13 лун; рочӧн)