Мирошниченко Надежда Александровна

Шаблон:Серпасыс абу

Мирошниченко Надежда Александровна (1943) — Комиысь роч гижысь, Россияса гижысь да журналист котыръясӧ пырысь, Коми Республикаса нимйӧза гижысь.

Олан туй

Надежда Мирошниченко чужӧма 1943-ӧд вося сора тӧлысь 3-ӧд лунӧ Москваын. 1949-ӧд восянь олӧ Сыктывкарын. 1964 воын помалӧма Коми канмуса педагогика институтысь филология пакультетса английскӧй кыв велӧдан чукӧр. Школаясын куим во велӧдӧма англия кыв; дас кык во уджалӧма республикаса газетъясын, телевидениеын, Коми АССР-са гижысь котырын консультантӧн (1978—1981).

Гижан удж

Медводдза кывбуръяссӧ вӧлі йӧзӧдӧма «Молодёжь Севера» газетын да «Перекличка» сборникын (1966). Кывбуръяса асшӧр чукӧр «Назовите меня по имени» ним улын петӧма 1975 воын. Сы бӧрын петавлӧмаӧсь «Отрывок» (1980), «Все кончается добром», «Сыктывкарский вариант» (1986), «Хочется счастья», «Русское сердце» (1996), «Зачем не сберегли» чукӧръяс. Ставнас йӧзӧдӧма 11 небӧг.

Сылӧн кывбуръяс вылӧ лӧсьӧдӧма сьыланкывъяс да романсъяс.

Надежда Мирошниченко — СССР-са журналист котырӧ пырысь (1977), СССР-са гижысь котырӧ пырысь (1981), «Всемирный Собор русского народа» общественнӧй котырӧ пырысь, «Мир Севера» войтыркостса журналлӧн редколлегияӧ пырысь, наукаяс да искусствояс Петыр академияса член-корреспондент.

Н. Мирошниченко шедӧдлӧма Коми Республикаса канму премия (1997), «Наш современник» журналлысь литературнӧй премия, Россияса да Саха (Якутия) Республикаса гижысь котыръяслысь «Северная звезда» литературнӧй премия, Россияса ыджыд литературнӧй премия.

2009-ӧд вося косму тӧлысьын Надежда Мирошниченколы медводдзаысь роч поэтъяс пӧвстын сетӧма Коми Республикаса нимйӧза гижысь ним. Рочмуын роч поэтъяслы татшӧм нимыс абу.^[1]

Небӧгъяс

Мирошниченко Н. А. Отрывок: стихи. — Сыктывкар: Коми кн. изд-во, 1980. — 79 с.
Мирошниченко Н. А. Сыктывкарский вариант: [стихи] / [худож. Е. П. Борисевич].— Сыктывкар: Коми кн. изд-во, 1986. — 88.
Мирошниченко Н. А. Русское сердце: [стихи]. — Сыктывкар: Коми кн. изд-во, 1996. — 335 с.

Наградаяс

Коми Республикаса нимӧдана уджалысь (1995)
Коми Республикаса нимйӧза гижысь (2009)
Россияса культураын нимӧдана уджалысьяс (2010)
«Айму водзын бур уджысь» орденлӧн II тшупӧда медаль (2004)
«Айму водзын бур уджысь» орденлӧн I тшупӧда медаль (2021)^[2]
«Имперская культура» медаль
«Коми Республикалы 100 во» медаль (2021)

Ӧшмӧсъяс

Ыстӧдъяс

↑ Коми Республикаса гижысь котырлӧн сайтын Н.А. Мирошниченко йылысь
↑ [1] Артеев А. За заслуги перед Отечеством // Республика, 2021. 15 мая.

[1] Коми Республикаса гижысь котырлӧн сайтын Н.А. Мирошниченко йылысь

[2] [1] Артеев А. За заслуги перед Отечеством // Республика, 2021. 15 мая.

[1]

[2]