Мыс сиктса библиотека (Кулӧмдін район)

Мыс сиктса библиотекаКулӧмдін районса Мыс сиктын восьтӧм библиотека.

История вежны

1904 воын Мыс сиктын воссис библиотека. Жырсӧ торйӧдісны церковно-приходскӧй школаын, уджаліс вичкоын Федор Александрович Клепиков. Библиотека восьтӧм вылӧ вӧлі урчитӧма 77 шайт.

Во мысти библиотекаын вӧлі литературалӧн 293 экземляр, воліс 34 лыддьысьысь, кодъяслы вӧлі сетӧма 214 небӧг.

1911 воын библиотекаӧ воліс 108 лыддьысьысь, налы сетӧма 508 небӧг, фондын артавсис литературалӧн 596 экземпляр.

Медводдза Ыджыд тышлӧн воясӧ лыддьысьысьяслӧн лыд ёна чиніс.

1925 воын библиотекалысь нимсӧ вежисны изба-читальня вылӧ.

Война кадӧ библиотекарӧн уджаліс Роза Горская, юрнуӧдіс изба-читальняӧн Михаил Никифорович Ермолин.

Изба-читальня бердын уджаліс драмкружок. 1949 воын Михаил Ермолинлӧн вӧзйӧм серти олысьяслы петкӧдлісны "Домна Каликова" да "В чужом пиру похмелье" пьесаяс. Изба-читальняӧ быд рыт чукӧртчывлісны олысьяс, сёрнитісны мытшӧдъяс йылысь, петкӧдлісны концертъяс, нуӧдісны рытпукъяс, гораа лыддьысьӧмъяс. Библиотекаын лыддьыссис 100-ысь унджык морт.

1949 воын бур уджысь изба-читальняӧс наградитісны РСФСР-са Министръяслӧн Сӧветса Почёт грамотаӧн.

1952 воын изба-читальня лои сиктса библиотекаӧн.

1963 воын библиотекаын уджаліс Опарина Елизавета Васильевна. Сылӧн 30 вося удж дырйи библиотека вӧлі районын медбуръяс лыдын. Артавсис 300 гӧгӧр лыддьысьысь. 1981 воын библиотека лои Кулӧмдінса шӧр библиотечнӧй системалӧн 13 филиалӧн.

1993 восянь библиотекаын уджалӧ Трофимова Валентина Андреевна. Библиотека топыда уджалӧ сиктса администрациякӧд, школакӧд, культура керкакӧд.

Веськӧдлысьяс вежны

1913 - Надеев Иван (тайӧ жӧ воӧ сійӧс вуджӧдӧны Мылдінӧ да Туголукова (велӧдысь) корӧ сы пыдди пуктыны поп Федор Клепиковӧс).

1914 - Игнатов Степан (вӧлӧстнӧй писар).

1915, ӧшым тӧлыссянь - Клепиков Федор Александрович (поп), (КР ШКА 116 ф., 1 опись, 169 делӧ).

1945, ода-кора тӧлысьсянь (уджаліс нёль тӧлысьысь эз унджык) - Ермолин Александр Кузьмич (чурка Кузьма Ӧлексан).

1946-1949 - изба-читальняӧн юрнуӧдіс Михаил Никифорович Ермолин (Митипер Микайлӧ), библиотекар - Роза Горская.

1963 - 1993 вояс - Опарина Елизавета Васильевна.

1993 восянь ӧнія кадӧдз - Трофимова Валентина Андреевна.

Ӧшмӧсъяс вежны

Ыстӧдъяс вежны