Налимов Семён Иванович

Налимов Семён Иванович (1857—1916) — шылада инструментъяс (балалайка, домра, гусли) вӧчалысь. Войтырсикас серти коми.

Налимов Семён Иванович
Чужан лун:	1857-ӧд вося урасьӧм тӧлысь 1-ӧд лун(1857-02-01)
Чужанін:	Выльгорт, Коми Республика, РСФСР[d] Усть-Сысольск уезд, Вӧлӧгда губерния, Россияса империя
Кулан кад:	1916-ӧд вося моз тӧлысь 22-ӧд лун(1916-08-22) (59 арӧс)
Куланін:	Петыркар, Россияса империя
Канму:	Россияса империя
Мыйся уджыс:	создатель музыкальных инструментов

Олан туй

Семён Налимов чужӧма Вӧлӧгда губерняысь Усть-Сысольск уездса Выльгорт вӧлӧсьтлӧн Сретенньӧ обществоын (ӧні Коми Республикаса Выльгорт сикт) 1857 вося урасьӧм тӧлысь 13-ӧд лунӧ (важ стиль серти урасьӧм тӧлысь 1-ӧд лунӧ).

Томдырсяньыс плотникалӧма да столяралӧма. 1878 восянь 1884 воӧдз вӧлӧма военнӧй служба вылын, запасӧ мӧдӧдӧмаӧсь старшӧй унтер-офицер званньӧын. 1885 воын мунӧма чужанінсьыс нажӧтка корсьны.

1895-сянь 1916 воӧдз служитӧма В. В. Андреевлӧн имениеын Твер губерняын Вышневолок уездса Марьино сиктын, вӧчалӧма сылӧн оркестрыслы шылада инструментъяс.

Кулӧма Петроградын 1916 вося моз тӧлысь 22-ӧд лунӧ. Санкт-Петербургса Шӧр канму история архив серти, гуалӧма Ыджыд Охтаса шойнаын.

Шылада инструментъяс вӧчалӧм

Вяткаса балалайка подув вылын лӧсьӧдӧма медводдзаӧн реконструированнӧй ичӧт домра – сылӧн кузолыс вӧлӧма сизим клёпка вылын. Сы бӧрын вӧлі вӧчӧма альт да бас домраяс, а сэсся — тенор да контрабас домраяс.

Кызь во чӧжӧн, 1895-сянь 1915 воӧдз мастер вӧчӧма 300 гӧгӧр инструмент. Сылӧн инструментъясӧн дыр кад чӧж ворсӧмаӧсь йӧзкостса инструментъяслӧн канмуса роч оркестр.

Паметь

• Казьтылана пӧв культура керкалӧн стенмын (Сыктывдін районса Выльгорт сикт)
• С.А. Налимов нима Выльгортса шылада школа
• Ыргӧн памятник Выльгорт сиктын (2005) (скульпторыс — Роман Бендерский).