Открыть главное меню

Напалков Виктор Михайлович

Олан туйПравить

Виктор Напалков чужӧма Коми АССР-са Кулӧмдін сиктын 1963 вося кӧч тӧлысь 3 лунӧ. 19701981 воясӧ велӧдчӧма Кулӧмдін сиктса шӧр школаын. 1985 воын помалӧма Перым карын канмуса искусство да культура институтысь искусство факультет.

Дипломнӧй спектакльнас вужъясьӧма Абъячойса йӧзкостса театрын да уджалӧма сэні 10 во.

1993 восянь олӧ Сыктывкарын. Ворсӧма да режиссёралӧма В.А. Савин нима канмуса академическöй Драма театрын, велӧдӧма Коми Республикаса Юралысь бердын искусствояс гимназияын.

1998 воын Москваын босьтӧма Театрса искусствояслӧн академияын (ГИТИС) режиссёр-педагоглысь диплом.

2003 вося косму тӧлысь 7 лунсянь директоралӧма искусствояс гимназияын, сэсся — сэні жӧ директорӧс вежысь (театр юкӧн серти).[1] Искусствояс гимназияын веськӧдлӧ «Ордым» театр студияын.

Общественнӧй уджПравить

Бӧрйывлӧмаӧсь Луздор районса сӧветӧ депутатӧн, коми войтырлӧн съездса делегатӧн (витысь).

Дыр кад чӧж вӧлі пырӧ Сыктывкарын Кулӧмдін землячестволӧн сӧветӧ.

Режиссёралӧ «Северная околица» йӧзкостса сьыланкыв ансамбльын.[2]

НаградаясПравить

  • Коми Республикаса нимӧдана уджалысь (2007)
  • Коми Республикаса Веськӧдлан котырлысь премия босьтысь

ӦшмӧсъясПравить

  • Игнатов М.К. Усть-Куломский район: помни прошлое, зная настоящее, делай будущее (1620–2008). — Сыктывкар, 2009. — С. 309.
  • Коми руыс помтӧм // «Коми му» газет, 2013 во. Кӧч тӧлысь 5-ӧд лун, 35-ӧд №.

ЫстӧдъясПравить