Остапова Зоя Васильевна

Остапова Зоя Васильевна
Чужан лун:	1961-ӧд вося вӧльгым тӧлысь 6-ӧд лун(1961-11-06) (62 арӧс)
Чужанін:	Шойнаты, Кöрткерöс район, Коми Республика, РСФСР[d], Сӧветскӧй Социалистическӧй Республикаяслӧн Союз
Мыйся уджыс:	учёный

Остапова Зоя Васильевна (1961) — педагогика наукаясса кандидат, коми челядь видзанінъяслы уджтасъяс да велӧдан небӧгъяс дасьтысь, общественник. Нывдырся овыс — Микушева.

Олан туй

Зоя Остапова чужӧма 1961-ӧд вося вӧльгым тӧлысь 6-ӧд лунӧ Кӧрткерӧс районса Шойнаты сиктын. Помалӧма Козьма Минин нима Улыс Новгородса педагогика университет.

Уджалӧ Коми республикаса Велӧдӧм сӧвмӧдан институтын, веськӧдлӧ школаӧдзса велӧдӧмын национальнӧй мытшӧдъяс венан лабораторияӧн.

Небӧгъяс

• Остапова З.В. Ворсыштам, дзолюк / Серпасалісны Л.А. Ракитина, Г.Н. Шарипков; ред. П.И. Симпелев. — Сыктывкар: Коми небӧг лэдзанін, 2005. — 112 л.б.

Общественнӧй удж

Уна во чӧж водзмӧстчӧ «Коми войтыр» ӧтмунӧмын (пырӧ ӧтмунӧмса Президиумӧ) да вужвойтыр аньяслӧн ӧтмунӧмын. Котыртӧ да нуӧдӧ проектъяс.

Дасьтӧ коми кыв вылын «Чолӧм, дзолюкъяс» телеуджтас («Юрган» телеканалын петӧ кыкысь тӧлысьнас).

Наградаяс

• Россияса Велӧдӧм министерстволӧн Почёт грамота
• Коми Республикаса Почёт грамота
• Велӧдӧм юкӧнын Коми Республикаса канму премия босьтысь
• Коми Республикаса нимӧдана уджалысь
• «Коми Республикалы 100 во» медаль (2021)

Ӧшмӧсъяс

• Коми республикаса Велӧдӧм сӧвмӧдан институтысь Школаӧдзса велӧдӧмын национальнӧй мытшӧдъяс венан лаборатория