Попов Николай Павлович (кыв туялысь)
| Попов Николай Павлович |
Олан туй вежны
Николай Попов чужӧма 1801-ӧд вося тӧвшӧр тӧлысь 12(24)-ӧд лунӧ Вӧлӧгда губерняса Яренскын. Быдмӧма-велӧдчӧма Павловскса кадет корпусын. 1834-ӧд воын штабс-капитан чинӧн петӧма отставкаӧ да овмӧдчӧма Усть-Сысольскӧ. Сэні уджалӧма губернияса секретарӧн да уездса стряпчийӧн. 1847-ӧд воын лоӧма Усть-Сысольск уездса судын дворянскӧй заседательӧн да Публичнӧй небӧгаин котыртысьяс пиысь ӧтиӧн.
Кулӧма 1873-ӧд вося сора тӧлысь 11(23)-ӧд лунӧ Усть-Сысольскын.
Туясьӧм вежны
Сійӧ тӧдса вӧлі П. И. Савваитовкӧд, отсалӧма сылы чукӧртны коми кыв да фольклор материал. 1845-ӧд воын комиӧдӧма сиктса полицейскӧй устав да салтыр.
Академик А. М. Шёгрен корӧм серти Николай Попов лӧсьӧдӧма роч алфавит подув вылын 27 шыпаса коми анбур.
Н.П. Попов кызь воысь унджык веськӧдлӧма неыджыд котырӧн, коді дасьтӧма роч-зырана кывчукӧр (тайӧ уджсӧ, бара жӧ А. М. Шёгрен корӧм серти, заводитлӧма на Усть-Сысольска мещанин И.Р. Мальцев). Уджсӧ помалӧма 1863-ӧд воын да вӧлі ӧтувтӧ 70 сюрс гӧгӧр кыв. Н.П. Поповлысь нёль тома «Русско-зырянский словарь» сідз абу и йӧзӧдӧмаӧсь. Рукописьсӧ видзӧны Асыввыв войтырӧс туялан институтса Санкт-Петербург юкӧнлӧн архивын. Сёрӧнджык наукаяс академия вӧзйӧма дасьтыны кывкудсӧ йӧзӧдны Г.С. Лыткинлы, и небӧгыс петӧма 1931-ӧд воын.
Небӧгъяс вежны
- Учебник зырянского языка. — СПб., 1863.
Ӧшмӧсъяс вежны
- Туркин А. И. Попов Николай Павлович // Коми язык. Энциклопедия. — Москва, 1998. — С. 365-369.