Савельева Элеонора Анатольевна

Савельева Элеонора Анатольевна (1937) — коми войтырлысь история да археология туялысь, история наукаясса доктор (1995), Коми АССР-са наукаын нимӧдана уджалысь (1987), Россияса наукаын нимӧдана уджалысь (1998).

Савельева Элеонора Анатольевна
Чужан лун:	1937-ӧд вося вӧльгым тӧлысь 15-ӧд лун(1937-11-15) (86 арӧс)
Чужанін:	Сыктыв район, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	археолог, историк, преподавательница университета, культурный антрополог, социоантрополог
Ошканпасъяс да премияяс:

Олан туй

1937, вӧльгым тӧлысь 15 лун — чужис Сыктыв районса Поёл сиктын. 1959 воын Урал канмуса университетысь история факультет (Свердловск) помалӧм бӧрын сійӧс мӧдӧдісны Сыктывкарӧ СССР-са наукаяс академиялӧн Коми филиалӧ: уджаліс история, этнография да археология юкӧдын старшӧй лаборантӧн, 1961—1972 воясӧ — младшӧй научнӧй сотрудникӧн. 1969 воын СССР-са наукаяс академиялӧн археология Институтын (Москва) дорйис история наукаясса кандидат ним вылӧ диссертация (нимыс — «Пермь вычегодская по археологическим материалам»). 1972—1985 воясӧ уджаліс Сыктывкарса канму университетын: история-филология факультетса история кафедраын старшӧй велӧдысьӧн (1972—1975), СССР-са история кафедраын доцентӧн (1975—1977), история факультетса деканӧн (1977—1979), СССР-са история кафедраын доцентӧн (1979—1982), СССР-са история кафедраӧн веськӧдлысьӧн (1982—1985). 1985 восянь уджалӧ Кыв, литература да история институтын археология отделын веськӧдлысьӧн (бӧрйисны конкурс серти), 1991 восянь — институтса директорӧс вежысьӧн наука юкӧнын. 1995 воын Россияса наукаяс академиялӧн археологии Институтын (Москва) дорйис история наукаяс доктор ним вылӧ диссертация (нимыс — «Европейский Северо-Восток в эпоху средневековья»).

Небӧгъяс

• Пермь вычегодская. — Москва, 1971.
• История Коми АССР. — Сыктывкар, 1978. (соавтор)
• Вымские могильники. — Л., 1987.
• Археология Коми АССР: учебное пособие. — Сыктывкар
• Археология Республики Коми. — Москва, 1997 (соавтор)
• Финно-угры Поволжья и Приуралья в средние века. — Ижевск, 1999. (соавтор)

Наградаяс

Коми республикаса

• Коми АССР-са наукаын нимӧдана уджалысь (1987)
• Коми АССР-са Министръяслӧн Сӧветлӧн Почёт грамота
• Коми АССР-са Вылыс Сӧветысь президиумлӧн Почёт грамота
• «Бур уджысь» медаль (1970)
• Коми комсомоллысь премия босьтысь
• Коми Республикаса канму премиа наука юкӧнын босьтысь (1998)
• Коми Республикаса наукаын почёта уджалысь 2017

Рочмуса

• Россияса наукаын нимӧдана уджалысь (1998)

Ӧшмӧсъяс

• http://pyioldino.narod.ru/savelyeva.html
• Муравьева С. Элеонора САВЕЛЬЕВА: «Жить и работать по-другому я не умею» // Регион журнал, 2012 во, вӧльгым тӧлысь 30-ӧд лун
• Сивкова А. Элеонора Савельева: Археолог — мужская профессия // «Республика» газет, 2007 во, вӧльгым тӧлысь 16-ӧд лун