Семёнов Виктор Анатольевич

Шаблон:Серпасыс абу

Семёнов Виктор Анатольевич
Чужан лун:

1945-ӧд вося йирым 31-ӧд лун(1945-10-31) (74 арӧс)

Чужанін:
Канму:
Мыйся уджыс:

историк, археолог

Семёнов Виктор Анатольевич (19452020) — коми войтырлысь оласног да археология туялысь, история наукаясса доктор, профессор.

Олан туйПравить

Чужӧма 1945-ӧд вося йирым тӧлысь 31-ӧд лунӧ Ленинград обласьтса Ломоносов карын. Помалӧма Ленинградса канму университет (1973), Ленинградса канму университетысь история факультетын археология кафедраса аспирантура (1976). 1976-ӧд вося ӧшым тӧлысьсянь уджалӧма Сыктывкарса канму университетын история факультетын: быдмӧма ассистентсянь профессорӧдз. 2000-ӧд восянь веськӧдлӧма источниковедение, археология да этнография кафедраӧн.

Уджалӧ Кыв, литература да история институтын Роч Войвывлӧн история-демография да история-география туялӧмъяс секторын медшӧр научнӧй сотрудник должносьтын.

Кулӧма 2020-ӧд вося сора тӧлысь 12-ӧд лунӧ Сыктывкар, гуалӧма сора тӧлысь 15-ӧд лунӧ.[1];[2]

Туялан уджПравить

1979-ӧд воын Ленинградса университетын дорйӧма история наукаяс кандидат ним вылӧ диссертация, 1996-ӧд воын — Санкт-Петербургын Пётр Великӧй нима антропология да этнография музейын доктор ним вылӧ диссертация.

Туялӧма коми йӧзкостса оласног, фин-йӧгра да яран костын йитӧдъяс археология да этнография материал подулын, Россияса Асыв-Войвылын да Рытыв-Войвылын водзкӧрт эпохаса археология.

Йӧзӧдӧма 120 сайӧ туясян удж, на лыдын — кык монография, 4 велӧдан пособие, кык справочник. Тӧдчанаджык уджъясыс: «Традиционная семейная обрядность народов Европейского Севера» (С-Пб., 1992), «Европейский Северо- Восток в эпоху бронзы» (соавторъяскӧд, Сыктывкар, 1997).

НебӧгъясПравить

  • Семёнов В.А. Традиционная семейная обрядность народов Европейского Севера: К реконструкции мифопоэтических представлений коми (зырян). — СПб., 1992. — 152 с.

ОшканпасъясПравить

  • Россияса наукаын нимӧдана уджалысь

ӦшмӧсъясПравить

ЫстӧдъясПравить

  1. Сыктывкарса канму университет (2020.07.16-ӧд лун; рочӧн)
  2. Жеребцов И.Л. Наш профессор (Ушел из жизни известный археолог и этнограф Виктор Семёнов) // «Красное знамя» юӧр сетанін (2020.07.13-ӧд лун; рочӧн)