Собянин Гавриил Епифанович

Шаблон:Серпасыс абу

Собянин Гавриил Епифанович
Чужан лун:

1896-ӧд вося ода-кора тӧлысь 25-ӧд лун(1896-05-25)

Чужанін:
Кулан кад:

1944-ӧд вося ӧшым тӧлысь 23-ӧд лун(1944-12-23) (48 арӧс)

Куланін:
Ошканпасъяс да премияяс:
орден Красного Знамени Ленин орден Сӧветскӧй Союзса Герой

Собянин Гавриил Епифанович (18961944) — Комиысь Сӧветскӧй Союзса Герой (1945), Айму вӧсна Ыджыд тыш кадӧ снайпер.

Олан туй вежны

Гавриил Собянин чужӧма Мылдін районса Шалтановкаын грездын 1896 вося ода-кора тӧлысь 25-ӧд лунӧ. Помалӧма начальнӧй школа. Дас кык арӧссянь вӧралӧма. Ветлӧма медводдза мирӧвӧй тыш вылӧ.

1918 воын вуджӧма овны Вылыс Нарыкарыӧ, вӧралӧма. 1936 восянь олӧма Ханты-Манси асвеськӧдлан кытшын Берёзов районса Анеев сикт сӧвет улӧ пырысь Игрим посёлокын, веськӧдлӧма чери кыйысьяслӧн артельӧн.

1941 воын ас кӧсйӧм серти мунӧма фронт вылӧ. Медводз сійӧс индӧмаӧсь овмӧс юкӧнӧ, а сэсся — М. И. Калинин нима 48-ӧд номера Ропшаса дивизиялӧн стрелковӧй полкӧ, коді тышкасьӧма Ленинград фронтын. Г. Е. Собянинӧс мӧдӧдӧмаӧсь снайпер школаӧ, кӧні кӧкъямысӧд лунас сетӧмаӧсь винтовка да мӧдӧдӧмаӧсь полкас.

Усьӧма Айму вӧсна Ыджыд тыш кадӧ 1944 вося ӧшым тӧлысь 23-ӧд лунӧ немеч пехотакӧд траншеяын тышкасигӧн. Гуалӧма Латвияын Салдус районса Курсиши грездын.

Подвигъяс вежны

Арталӧм серти, война вылын вийӧма 60 сайӧ салдат да опицерӧс.

Красноармееч Г. Е. Собянинлы Сӧветскӧй Союзса Герой ним сетӧма кулӧм бӧрас нин 1945-ӧд вося лӧддза-номъя тӧлысь 29-ӧд лунӧ СССР-са Вылыс Сӧветлӧн Президиум Шуӧмӧн сыысь, мый петкӧдлӧма повтӧмлун Маза-Югла ю вуджигӧн да Латвия мездігӧн.

Тӧдса некымын подвиг йылысь:

  • 1944-ӧд вося урасьӧм тӧлысь 25-ӧд лунӧ Саакада грезд вӧсна тышын рядӧвӧй Собянин мунӧма рота водзас вӧрті, лыйӧма винтовкасьыс куим немеч снайперӧс; ставнас — вӧрӧглысь 10 сайӧ салдат да опицерӧс. Ранитчӧма, но тышысь петӧма сӧмын командирлӧн тшӧктӧм бӧрын.
  • 1944-ӧд вося йирым тӧлысь 7-ӧд лунӧ Сунтажи вӧсна тышын медводдзаяс лыдын вуджӧма Маза-Югла ю, лыйӧма кык снайперӧс да бырӧдӧма пулемётчикъяслысь расчёт, мыйӧн отсалӧма водзӧ писькӧдчыны ротаыслы.
  • 1944-ӧд вося вӧльгым тӧлысь 2-ӧд да 3-ӧд лунъясӧ Лиелауцес тысянь рытыв-лунвылын винтовкаысь лыйӧма вӧрӧглысь 11 салдат да опицерӧс.
  • 1944-ӧд вося вӧльгым тӧлысь 4-ӧд лун гӧра босьтігӧн тышын водзӧ нуӧдӧма ротасӧ. Ас кинас чергӧдӧма некымын вӧрӧгӧс.

Наградаяс вежны

Паметь вежны

Ӧшмӧсъяс вежны

Ыстӧдъяс вежны