Тимушев Андрей Антонович
| Тимушев Андрей Антонович | |
| Чужан лун: |
1897-ӧд вося рака тӧлысь 24-ӧд лун |
|---|---|
| Чужанін: | |
| Кулан кад: |
1969-ӧд вося урасьӧм тӧлысь 10-ӧд лун (71 ар) |
| Ошканпасъяс да премияяс: |
  |
Тимушев Андрей Антонович (1897—1969) — Комиысь Слава ордена тыр кавалер (1944, 1945, 1945).
Олан туй вежны
Андрей Тимушев чужӧма Вӧлӧгда губерняын Усть-Сысольск уездса (ӧні — Коми Республикаса Кулӧмдін районысь) Немдін сиктын 1897 вося моз тӧлысь 24-ӧд лунӧ. Коми. Помалӧма начальнӧй школа. Ветлӧма Медводдза мирӧвӧй тыш вылӧ: повтӧмлунысь сійӧс кыкысь наградитӧмаӧсь Георгиевскӧй крестӧн.
Гражданскӧй война кадӧ джын во служитӧма Колчак армияын, кытчӧ сійӧс мырдӧн мобилизуйтӧмаӧсь. Том красноармееч тышкасьӧма Гражданскӧй война помодзыс уна фронтын, веськавлӧма весиг Кавказӧ.
Войнаӧдз уджалӧма МТС-ын трактористӧн.
Айму вӧсна Ыджыд тыш кадӧ вежны
Гӧрд Армияӧ вӧлі босьтӧма 1941 воын ас кӧсйӧм серти, кор сылы вӧлӧма 44 арӧс. Айму вӧсна Ыджыд тышын 1941 вося йирым тӧлысьсянь.
Радӧвӧйсянь сійӧ быдмӧма старшӧй сержантӧдз да взводса командирлы отсасьысьӧдз. Веськавлӧма трибунал улӧ, тышкасьлӧма штрафбатын. Коймӧд Слава орденсӧ сетӧмаӧсь 1945 воын косму тӧлысь 19-ӧд лунся тышысь Берлин дорӧ матыстчигӧн. Андрей Тимушев вежӧма взводса кулӧм командирӧс, кыпӧдӧма салдатъясӧс тышӧ; асьсӧ вӧлі ранитӧма, но водзӧ на тышкасьӧма.
Айму вӧсна Ыджыд тыш бӧрын вежны
CCCР-са Вооружоннӧй Вынъясысь воӧма 1946 воын инвалидӧн госпитальясын дыр куйлӧм бӧрын, уджалӧма Немдінын. Кулӧма 1969 вося урасьӧм тӧлысь 10-ӧд лунӧ чужан сиктас.
2016 воын А.А. Тимушев йылысь кулӧмдінса журналист Николай Лютоев гижӧма да йӧзӧдӧма торъя небӧг — «Кавалер трёх орденов Славы Андрей Тимушев».
Наградаяс вежны
- кык Георгиевскӧй крест.
- III тшупӧда Слава орден (№ 174509) (1944.09.15).
- II тшупӧда Слава орден (№ 11689) 1945.02.21).
- I тшупӧда Слава орден (№ 912) (1945.05.31).
- Гӧрд Дӧрапас орден.
- Гӧрд Кодзувлӧн орден.
Паметь вежны
Ӧшмӧсъяс вежны
- «Герои страны» проектын А.А. Тимушев йылысь
- [1] Санин Т. От Усть-Кулома до Германии прошагал рядовой Андрей Тимушев // Трибуна, 2016. Ода-кора тӧлысь 5 лун.
- Лютоев Н.А. Кавалер трёх орденов Славы Андрей Тимушев. — Сыктывкар, 2016.