Уйба Владимир Викторович

Уйба Владимир Викторович (1958) — туялысь, медицина наукаясса доктор, профессор, бурдӧдысь, Коми республикаса Юралысь (2020-ӧд восянь).

Уйба Владимир Викторович
Портрет
Чужан лун:

1958-ӧд вося йирым 4-ӧд лун(1958-10-04) (62 арӧс)

Чужанін:
Мыйся уджыс:

учёный

Ошканпасъяс да премияяс:
орден «За заслуги перед Отечеством» III степени орден «За заслуги перед Отечеством» IV степени орден Александра Невского орден Мужества орден Дружбы Заслуженный врач Российской Федерации Заслуженный деятель науки Российской Федерации Премия Правительства Российской Федерации в области науки и техники Почётная грамота Президента Российской Федерации премия Правительства Российской Федерации в области образования
Commons-logo.svg Уйба Владимир Викторович на Викискладе

Олан туйПравить

Чужӧма 1958-ӧд вося йирым тӧлысь 4-ӧд лунӧ Омск карын инженер семьяын. 1982-ӧд воын помалӧма Свердловскса каналан медицина институт (ӧні — Уралса каналан медицина университет), врач-гигиенист, эпидемиолог.

19821984-ӧд воясын уджалӧма врач-терапевтӧн Свердловск карса бурдӧдчанінын. 19841989-ӧд воясын вӧлӧма медшӧр бурдӧдысьӧн Свердловск обласьтса Заречнӧй карын Белоярск АЭС-лӧн профилакторийын. 19891999-ӧд воясын — Свердловск обласьтса Заречнӧй карын медсанчасьтын начальник.

20022003-ӧд воясӧ — «ВИРУ» ичӧт кывкутана котырын медшӧр директор (Свердловск обласьт, Заречнӧй кар). 2005-ӧд воын помалӧма Россия Федерацияса Веськӧдлан котыр бердын Йӧзкостса овмӧс Академияын «Предприятие вылын экономика да веськӧдлӧм» курс.

19992002-ӧд воясӧ да 2003-ӧд вося лӧддза-номъя тӧлысьсянь ӧшым тӧлысьӧдз — Рочмуса Минздрав бердын медико-биологическӧй да экстремальнӧй мытшӧдъяс серти Федеральнӧй управленньӧын веськӧдлысьӧс вежысь, 2003-ӧд вося ӧшым тӧлысьсянь 2004-ӧд вося вӧльгым тӧлысьӧдз — управленньӧса веськӧдлысь («Медбиоэкстрем»), 2004-ӧд вося вӧльгым тӧлысь 6-ӧд лунсянь 2020-ӧд вося тӧвшӧр тӧлысь 22-ӧд лунӧдз — Федеральнӧй медико-биологическӧй агентствоын веськӧдлысь (2004-ӧд вося вӧльгым тӧлысьын «Медбиоэкстрем» управленньӧ подулын котыртӧма ФМБА).

2005-ӧд восянь — Рочмуса ФМБА бердын дипломбӧрса удж сикасӧ велӧдан Институтын общественнӧй дзоньвидзалун да дзоньвидзалун видзан кафедраса заведуюшӧй (2018-ӧд восянь — ФМБА-са Инновация да дугӧдчытӧг велӧдчӧмса медико-биологическӧй университет. 2009-ӧд восянь институтса ректор.

2020-ӧд вося тӧвшӧр тӧлысь 22-ӧд лунсянь косму тӧлысь 2-ӧд лунӧдз — Рочмуса дзоньвидзалун министрӧс вежысь.

Уйба КомиынПравить

Рочму Федерацияса Президент Володь Путин индӧдӧн пуктӧма Коми Республикаса Юралысьлысь удж вӧчысьӧн 2020-ӧд вося косму тӧлысь 2-ӧд лунсянь.[1]

2020-ӧд вося кӧч тӧлысь 13-ӧд лунӧ В.В. Уйба вӧлі бӧрйӧма Коми Республикаса Юралысьӧн. Сы вӧсна кипасалісны 73,18% бӧрйысьысь (145 058 морт). Бӧрйысьны волӧма сӧмын 30,14 морт.[2]

Туялан уджПравить

Йӧзӧдӧма 290 сайӧ туясян удж.

«Медицина экстремальных ситуаций» да «Медицинская радиология и безопасность» журналъясын медшӧр редактор.

Гозъя олӧмПравить

Гӧтырыс — Галина Юрьевна — врач, быдтӧны вит челядьӧс.

НаградаясПравить

  • Россия Федерацияса нимӧдана бурдӧдысь (1998)
  • Россия Федерацияса наукаын нимӧдана уджалысь
  • Чечня Республикаса нимӧдана бурдӧдысь
  • Ингушетия Республикаса нимӧдана бурдӧдысь
  • Лунвыв Осетия Республикаса нимӧдана бурдӧдысь
  • Россия Федерацияса Веськӧдлан котырлысь премия босьтысь наука да техника юкӧнын
  • Россия Федерацияса Веськӧдлан котырлысь премия босьтысь велӧдӧм юкӧнын
  • «Айму водзын бур уджысь» II, III да IV тшупӧдъяса орденъяс (2011)
  • Александр Невскийлӧн орден
  • Мужество орден (куимысь)
  • Лунвыв Осетия Республикаса Ёрталун орден (2012)
  • Россияса Президентлӧн аттьӧалӧм (2008)
  • Россия Федерацияса Президентлӧн Почёта грамота (2010)
  • Россия Федерацияса дзоньвидзалун да социальнӧй сӧвмӧдан министерствоса Почёта грамота (2008)
  • «Чечня Республика водзын бур уджысь» медаль (2017)
  • «Отличник здравоохранения» морӧсвывса пас (1995)

ӦшмӧсъясПравить

ЫстӧдъясПравить

  1. Временно исполняющим обязанности главы Коми назначен Владимир Уйба // «Комиинформ» юӧр сетан агентство (2020.04.02 лун; рочӧн)
  2. Белова О. Обработано 100% протоколов на выборах главы Коми // «Комиинформ» юӧр сетан агентство (2020.09.14 лун; рочӧн)