Уэллс, Герберт Джордж

Герберт Джордж Уэллс (1866 вося кӧч тӧлысь 21 лун, Ыджыд Британия, Англия, Бромли — 1946 вося моз тӧлысь 13 лун, Ыджыд Британия, Англия, Лондон) — англияса гижысь да публицист, Фабианслӧн социализм дор сулалысь, «The Time Machine», «The Invisible Man», «The War og The World» да мӧд нималана фантастика романъяс гижысь.

Герберт Джордж Уэллс
инглишӧн Herbert George Wells
Джордж Бересфордӧн вӧчӧм фотосерпас, 1920
Чужигдыр нимыс:	англичан Herbert George Wells
Чужан лун:	1866 вося кӧч тӧлысь 21 лун
Чужанін:	Ыджыд Британия, Кент, Бромли
Кулан кад:	1946 вося моз тӧлысь 13 лун (79 арӧс)
Куланін:	Ыджыд Британия, Англия, Лондон
Канму:	Ыджыд Британия
Мыйся уджыс:	фантастика романъяс да сценарийяс гижысь, история да социология туялысь
Бать:	Joseph Wells[d]
Мам:	Sarah Neal[d]
Ошканпасъяс да премияяс:	Зал славы научной фантастики и фэнтези[d] (1997)
Автограф:
Герберт Джордж Уэллс на Викискладе
Гижӧмтор в Викитеке

Олан туй

Уэллс 1907 воын Сэндгейтса керкаыс дорын

Уэллс чужліс 1866 вося кӧч тӧлысь 21 лунын гӧля олысь котырын. Сійӧ вӧвліс юӧрникӧн, велӧдысьӧн, овмӧсӧн веськӧдлысьӧн. Ӧтчыд сійӧ пондыліс сотны вузасянінсӧ, кӧні тшӧктывлісны сылы уджавны вын вывтіыс.

Уэллс кыкысь воліс СССР-ӧ. Медводдзаысь сійӧ воліс Аскост тыш воясӧ, 1920-ӧд вося тӧлын. Ленин нуӧдіс Уэллскӧд сёрни. Сійӧ висьталіс гижысьлы электрификация план йылысь, но планыс Уэллсы кажитчис «электричество инасьлытӧмторйӧн», та бӧрын Уэллс лэдзис «Russia in the Shadows» небӧгын. Мӧдысь сійӧ воліс Сӧветскӧй Союзӧ 1934-ӧд воын.

Гижан удж

Уэллслӧн фантастика мыджсис наука подув вылын. Никулин Лев сы йылысь шуис:

«Уэллс замечательнӧй стӧчлунӧн да выразительнӧя гижӧ аслас геройяслысь переживаниеяссӧ, обстановкасӧ, кӧні найӧ действуйтӧны. Медся фантастическӧй приключениясыс петкӧдчӧны правдивӧя Уэллс гижӧдъясын. Мукӧддырйи Уэллс овлӧ, веськыда кӧ шуны, дзик прорицательӧн.»

Уэллс водзвылысь висьталіс мортлысь батисфераӧ - океан пыдӧсӧ писькӧдчӧм йылысь ёна водзджык, сійӧс йӧзӧн збыльысь олӧмӧ пӧртӧм дорысь. «The War og The World» романын Мувывса медводдза тышын пӧдтан газъяс лэдзӧм дорысь водзджык гижис Уэллс йӧзӧс бырӧданног йывсьыс. Сійӧ водзвыв кыліс атом пытшса энергия вӧдитчыны позянлун йылысь 1914-ӧд воын на («The World Set Free»).

1939-ӧд воын Шестаков роч кывйысь комиӧдіс «Океан пыдӧсын» да «Эпиорнислӧн ді» висьтъяс, кодъяс лэдзӧмаӧсь Коми госиздатын.

Ӧшмӧсъяс

• Л. Никулин. Герберт Уэллс // Г. Уэллс. Океан пыдӧсын. - Сыктывкар: Коми госиздат., 1939 во. - 3-7 лб.