Филиппов Василий Ионакиевич

Шаблон:Серпасыс абу

Филиппов Василий Ионакиевич
Чужан лун:

1924

Кулан кад:

1988

Ошканпасъяс да премияяс:
Уджвывса Гӧрд Дӧрапас орден

Филиппов Василий Ионакиевич (19241987) — Сӧвет кадся военноначальник, генерал-лейтенант.

Олан туйПравить

Василий Филиппов чужӧма Коми АССР-ын Изьва районса Изьва сиктын 1924-ӧд вося тӧвшӧр тӧлысь 1-ӧд лунӧ велӧдысьяслӧн семьяын. Помалӧма Изьва сиктса шӧр школа (1941), Югдінын Пуховичса военнӧй пехотнӧй училишӧ (1941), бронетанковӧй да механизированнӧй войскаяслысь академия (1954).

Айму вӧсна Ыджыд тыш кадӧ

Сӧветскӧй армияӧ мунӧма ас кӧсйӧм серти 1941-ӧд вося сора тӧлысьын. Айму вӧсна Ыджыд тыш вылын 1941-ӧд вося ӧшым тӧлысьсянь. Лейтенант, стрелкӧвӧй взводса командир Ленинград, Волхов да Рытыв-Войвыв фронтъясын. 1942-ӧд вося ода-кора тӧлысьсянь — танкӧвӧй бригадаын взводса да ротаса командир. 1943-ӧд вося ода-кора тӧлысьсянь тышкасьӧма Рытыв-Лунвыв, Коймӧд Украинаса фронтъясын фронтса торъя мотоциклет полкын ротаса да батальонса командир. Куимысь ранитчылӧма.

Айму вӧсна Ыджыд тыш бӧрын

Академия помалӧм бӧрын — танкӧвӧй полкса командир да вежысь (19541964), дивизияса командирӧс вежысь (19651968). 1968-ӧд восянь служитӧма Ылыс Востокын танкӧвӧй дивизияса командирӧн, корпусса командирӧс вежысьӧн, армияса командующӧйӧс вежысьӧн, округса штабын начальникӧс вежысьӧн, округса войсаяс дасьтан Управленньӧын начальникӧн.

Вӧлӧма военнӧй сӧветникӧн Кубаын, Йеменын, медшӧр военнӧй сӧветникӧс вежысьӧн Афганистанын. Висьӧм вӧсна петӧма пенсия вылӧ 1986-ӧд воын.

Кулӧма Горький (ӧні Улыс Вылькар) карын 1987-ӧд вося тӧвшӧр тӧлысь 7-ӧд лунӧ. Гуалӧма сэн жӧ.

ОшканпасъясПравить

Сійӧс наградитӧма СССР-са 8 орденӧн, Йемен, Афганистан, Болгария да Монголияса орденъясӧн, а сідзҗӧ СССР-са да суйӧрсай канмуса медальясӧн.

ӦшмӧсъясПравить

  • Александров А. Филиппов Василий Ионакиевич // Республика Коми: Энциклопедия: в 3-х т. — Сыктывкар, 2000. — Т. 3. — С. 247.

ЫстӧдъясПравить