Открыть главное меню

Шаблон:Серпасыс абу

Фомин Юлий Александрович
Чужан лун:

1928-ӧд вося ода-кора 20-ӧд лун(1928-05-20)

Чужанін:
Кулан кад:

2015-ӧд вося тӧвшӧр 12-ӧд лун(2015-01-12) (86 арӧс)

Куланін:
Канму:
Мыйся уджыс:

контр-адмирал

Фомин Юлий Александрович (19282015) — контр-адмирал, туялысь, техническӧй наукаясса кандидат, профессор, гижысь.

Содержание

Олан туйПравить

  • Юлий Фомин чужис 1928 вося ода-кора тӧлысь 20-ӧд лунӧ Коми (Зыряна) асвеськӧдлан обласьтса Кулига грездын (ӧні Коми Республикаын Луздор районысь Спаспоруб сикт овмӧдчӧмин улӧ пырысь Кулига грезд).[1] Сылӧн батьыс гражданскӧй тыш дырйи вӧлӧма Гӧрд флотын морякӧн, мамыс — коми кресьтянка. Кор мунӧма школаас, роч кывсӧ абу тӧдӧма.
  • 1944 воын помаліс Абъячойса школаын 9 класс. Сэсся Юлий Фомин помаліс куим военнӧ-морскӧй велӧдчанін: Бакуса военнӧ-мор­скӧй дасьтысян училишӧ (1945), Дзержинскӧй нима Вылыс военнӧ-морскӧй инженернӧй училишӧ (1950) да Крылов нима караб вӧчан да вооружениелӧн Военнӧ-морскӧй академиа (1958).
  • Караб вылын служба пансис Айму вӧсна Ыджыд тыш бӧрын Балтика флотын, кӧні служитіс вит во чӧж «Выборг» мониторын (вӧвлӧм фин броненосец). 1955-сянь 1990 воӧдз велӧдіс. Военнӧ-морскӧй академиа помалӧм бӧрын Юлий Фоминӧс мӧдӧдісны Севастопольса вылыс военнӧ-морскӧй инженернӧй училишӧӧ. Тані уджаліс 23 во: велӧдысьсянь воӧдчис училишӧса начальникӧс вежысьӧдз велӧдан да туялан уджъяс серти. Уна во чӧж дасьтіс ваувса атомнӧй флотлы кадръяс. Бӧръя дас восӧ сійӧ вӧлі Военно-Морскӧй флотса велӧдчанінъясын начальникӧс вежысьӧн. ВМФ-ын служитіс пӧшти 45 во.
  • Военнӧй служба помалӧм бӧрын вӧлі медшӧр методистӧн Шӧр Велӧдан методическӧй кабинетын.
  • Куліс Москваын 2015 вося тӧвшӧр тӧлысь 12-ӧд лунӧ.

Туясян уджПравить

1960 воын Юлий Фомин дорйис диссертациа, лои техническӧй наукаясса кандидатӧн. Юлий Александрович —Циолковский нима космонавтика академиаын да наукаяс да искусствояслӧн Петыр академиаын профессор, академик.

Йӧзӧдіс 130-ысь унджык удж.

Гижан уджПравить

Юлий Фомин гижис да йӧзӧдіс некымын прозаа да кывбура небӧг. Сійӧ гижӧ роч флот да нималана флотоводечьяслӧн олӧм йылысь. Гижӧ чужан Луздор йывсьыс. На пиысь ӧти кывбур чукӧр шусьӧ «В океан от деревенской околицы».

НебӧгъясПравить

  • В океан от деревенской околицы

НаградаясПравить

  • «Вооружённӧй Вынъясын Аймулы служитӧмысь» III тшупӧда орден
  • Гӧрд Кодзувлӧн орден
  • Саридзса Флотын почётнӧй уджалысь
  • Россия транспортын почётнӧй уджалысь
  • Арбат районса почётнӧй олысь
  • Луздор районса почётнӧй олысь

ӦшмӧсъясПравить

ЫстӧдъясПравить