Ануфриева Альбина Зиновьевна

Ануфриева Альбина Зиновьевна
Чужан лун:	1940-ӧд вося рака тӧлысь 22-ӧд лун(1940-03-22)
Чужанін:	Порожск[d], Сосногорск кар овмӧдчӧмин[d], Сӧснагорт район, Коми Республика, РСФСР[d], Сӧветскӧй Социалистическӧй Республикаяслӧн Союз
Кулан кад:	1996-ӧд вося урасьӧм тӧлысь 23-ӧд лун(1996-02-23) (55 арӧс)
Куланін:	Сыктывкар, Рочму
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	писательница

Ануфриева Альбина Зиновьевна (1940—1996) — коми гижысь.

Олан туй

Альбина Ануфриева чужис 1940 вося рака тӧлысь 22-ӧд лунӧ Коми АССР-ысь Уква районса Косьясдор грездын (ӧні Сосногорск районын). Челядьдырыс колис Изьва районса Гам грездын, батьыслӧн чужанінын.1967 воын помаліс Дудинкаын зооветеринарнӧй техникум, лои бухгалтер-экономистӧн.

1960—1970 воясӧ некымын во уджаліс Арктикаын войвывса діяс вылын, кӧні и босьтчис гижны. 1977 воын локтіс Сыктывкарӧ, пырис уджавны медицина училишӧӧ.

Куліс 1996 вося урасьӧм тӧлысь 23-ӧд лунӧ Сыктывкарын.

Гижан удж

Изьва районса Гамса школаын велӧдчигӧн на йӧзӧдчӧма «Пионерская правда» газетын. Альбина Ануфриевна водзӧ гижӧма Арктикаын уджалігӧн. Выльысь кутӧма гижны Сыктывкарӧ вуджӧм бӧрын. Висьт да повесьтъясыс петавлісны «Войвыв кодзув» журналын 1960-1980-ӧд воясӧ. Гижӧдъяссӧ торъя небӧгӧн «Майбыр» ним улын йӧзӧдӧма 1989 воын.

Сылӧн прозаын петкӧдлӧма нывбабалӧн олӧм, шуд корсьӧм. Сылӧн петавлісны «Марина» да «Майбыр» повесьтъяс. Повесьт да висьтъясын А.З. Ануфриева кужӧмӧн серпасалӧ бур геройясӧс: йӧзӧс бурдӧдысь Тандзе Маръя, чужанін дорйысь салдат Пётр Ермолин («Гым водзвылын» письмӧясысь), Настя ныв («Полярнӧй кӧч» висьтысь), Анна Филипповна Рочева («Майбыр» повесьтысь), бурдӧдчанінса гижӧдъясысь йӧз. Лёк геройяс сылӧн век кӧнкӧ ылын, сайын, на йылысь уна абу гижӧма.

Небӧг

• Майбыр: Повестьяс. Висьтъяс. Салдатлӧн письмӧяс. — Сыктывкар: Коми книжнӧй издательство, 1989. — 139 л.б.

Ӧшмӧсъяс

• FU-lab сайтын А.З. Ануфриева йылысь
• Изьва районса история-краеведение музей сайтын А.З. Ануфриевалӧн олантуй