Говорухина Светлана Ювинальевна

Говорухина Светлана Ювинальевна
	Говорухина Светлана Ювинальевна
Чужан лун:	1959-ӧд вося косму тӧлысь 5-ӧд лун (65 арӧс)
Чужанін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз;
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	школьная учительница, директриса школы, поэтесса, филолог, директор, писательница

Шаблон:Серпасыс абу

Говорухина Светлана Ювинальевна (1959) — коми кывбуралысь.

Олан туй

Светлана Говорухина чужӧма 1959-ӧд вося косму тӧлысь 5-ӧд лунӧ Сыктывкарын. Быдмӧма Удорса районса Кослан сиктын.

1976-ӧд воын помалӧма Косланса шӧр школа, 1981-ӧд воын — Сыктывкарса канму университетысь филология факультет. 1981 восянь 1999 воӧдз уджалӧма Удора районса Ёдва шӧр школаын велӧдысьӧн да внекласснӧй удж котыртысьӧн. 1999—2004 воясӧ — Ёдва шӧр школаса директор. 2004—2008 воясӧ С. Говорухина уджалӧма Сыктывкарын Коми Республикаса фин–йӧгра культура шӧринын: веськӧдлӧма НКО-яскӧд удж нуӧдан юкӧдӧн.

Гижан удж

Светлана Ювинальевна босьтчӧма гижны челядьдырйиыс на. Гижӧ комиӧн да рочӧн. Аслас пӧжасъяснас лыддьысьысьясӧс тӧдмӧдӧма сёрӧн. Кывбуръясыс петавлӧма «Коми му» да «Выль туйӧд» газетъясын, «Капелька жизни» да «Сьӧлӧмшӧрӧй менам Удора» сборникъясын. Кывбуръяс вылас лӧсьӧдӧма сьыланкывъяс.

Гижӧ бур йӧз, чужанін дорӧ радейтӧм, сӧстӧм муслун йылысь. «Збыльмытӧм вӧт» медводдза небӧгсӧ сиӧма аслас мам Елена Павловна Долгиналы.

Общественнӧй удж

2004 воын С. Говорухина ветлӧма Фин–йӧгра войтырлӧн IV Ставмирса конгресс вылӧ (Таллинн, Эстония).

2016 восянь пырӧ «Коми войтыр» ӧтмунӧмса сыктывкарса представительствоӧ.

Веськӧдлӧ Сыктывкарын Удора землячествоӧн.

Небӧгъяс

Збыльмытӧм вот: кывбуръяс. — Сыктывкар: «Кола» небӧг лэдзанін, 2013. — 64 л.б. (тиражыс — 1000 экз.)^[1]
Шондіа нюм: кывбуръяс. — Сыктывкар: ООО «Телесемь Коми», 2016. — 40 л.б.
Дона сикӧтш: кывбуръяс. — Сыктывкар: Анбур, 2019. — 79 л.б.

Ӧшканпасъяс

Коми Республикаса Почёта грамота (2018)^[2]
Коми Республикаса нимӧдана уджалысь (2023.12.20)

Ӧшмӧсъяс

Кослан шӧр школаса сайтын С.Ю. Говорухина йылысь
Светлана Говорухина // Сьӧлӧмшӧрӧй менам Удора. — Сыктывкар, 2009. — Лб. 90.

Ыстӧдъяс

[1] Председатель удорского землячества презентует свой первый поэтический сборник // «Финноугория» сайт (2013.01.30; рочӧн)

[2] Жителям Республики Коми вручили заслуженные государственные награды // «Коми Республика» портал (2018.12.12; рочӧн)

[1]

[2]

Говорухина Светлана Ювинальевна
Чужан лун:	1959-ӧд вося косму тӧлысь 5-ӧд лун(1959-04-05) (65 арӧс)
Чужанін:	Сыктывкар, Коми Автономнӧй Сӧветскӧй Социалистическӧй Республика, РСФСР^[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз Рочму
Мыйся уджыс:	школьная учительница, директриса школы, поэтесса, филолог, директор, писательница