Жижева Зоя Григорьевна

Шаблон:Серпасыс абу

Жижева Зоя Григорьевна

Жижева Зоя Григорьевна (1946) — асшӧра босьтчысь коми гижысь, велӧдысь. Нывдырся овыс — Королёва.

Олан туй вежны

Чужӧма 1946-ӧд воын Кӧрткерӧс районса Пӧддельнӧй сиктын. Мӧд классянь велӧдчӧма Одыбса школаын. 1961 воын помалӧма Одыбын 7 класса школа, велӧдчӧма медводз Сыктывкарса педагогика училишӧын, а сэсся уджысь орӧдчытӧг Сыктывкарса канму университетысь история факультетын. 19651967-ӧд воясын уджалӧма Кӧрткерӧс районса Каляты посёлокын, а 1968-ӧд восянь — Одыбын: велӧдӧма начальнӧй классъяс, история да обществознание. Одыбса шӧр школаын уджалӧма 43 во.

Гижан удж вежны

Зоя Жижева гижӧ комиӧн кывбуръяс да сьыланкывъяс челядьлы да верстьӧлы. Кывбуръяссӧ сиӧ муса войвыв вӧр-валы да чужан мулы. Уна кывбур тэчӧма радейтчӧм, вона кадся олӧм йылысь.

Кывбуръяссӧ йӧзӧдлӧма республикаса газет-журналъясын, Кӧрткерӧс районса «Звезда» газетын. Гижӧдъясыс петавлӧмаӧсь и гижысьяслӧн ӧктӧдъясын — «Сьӧлӧм кудйысь» (1996), «Край родной, ты дорог мне» (2004), мый петӧма Кӧрткерӧс районлы 65 во тыриг кежлӧ.

Зоя Григорьевна сьылӧ да петкӧдчӧ «Сипертас» йӧзкостса котыркӧд районса да республикаса «Шондібан», «Василей», «Играй гармонь, звени частушка», «Русская зима» гажъяс дырйи, кӧні юргӧмаӧсь сылӧн кывбуръяс вылӧ тэчӧм сьыланкывъяс.

Мукӧдтор вежны

Дыр кад чӧж веськӧдлӧма Одыб сиктса ветеранъяслӧн сӧветӧн. З.Г. Жижева — уджвывса ветеран да Рочмуса велӧдӧм юкӧнын нимӧдана велӧдысь.[1]

Небӧгъяс вежны

  • Жижева З. Г. Баба гожӧм: [кывбуръяс] / МУ «Корткеросская ЦБС», Нившерский ф-л; сост. Т. Ю. Михайлова. — Одыб: [б. и.], 2009. — 21 л.б.

Ӧшмӧсъяс вежны

  • Жижева Зоя Григорьевна [Гижысь йылысь] // Жижева З. Г. Баба гожӧм: [кывбуръяс] / МУ «Корткеросская ЦБС», Нившерский ф-л; сост. Т. Ю. Михайлова. — Одыб: [б. и.], 2009. — Л.б. 1.

Ыстӧдъяс вежны

  1. Королёва Зоя // «Коми му», 2016. вӧльгым тӧлысь 16-ӧд лун.