Зулӧб (Кӧрткерӧс район)

Зулӧб (рочӧн Зулоб) – Кӧрткерӧс районса Ыджыдвидз сикт овмӧдчӧминын коми грезд.

Зулӧб Зулэб
Му:	Рочму
Статус:	грезд
республика:	Коми республика
район:	Кӧрткерӧс район
Медводдза казьтыштӧм:	1810
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	роч, коми
Олысьяс	199 морт морт (2007)
Час кытш:	UTC+3+3
Телефон код:	+7 82136
Пошта индӧс:	168056
Автомобиль код:	11, 111

Фольклор

Зулӧбын праздничайтлӧмаӧсь Пантелеймон лун, кодӧс пасйӧны моз тӧлысь 9 лунӧ.

География

Зулӧб пукалӧ Висер юлӧн веськыд берегас Зулӧб ю вомын. Грездсянь Ыджыдвидз шӧрсиктӧдз 6 км, Кӧрткерӧс шӧрсиктӧдз — 81 км, Сыктывкар юркарӧдз — 129 км.

История

• Грезд чужис XIX нэм пансигӧн. Краевед Александр Панюков серти, 1810 воын татчӧ овмӧдчӧмаӧсь нин, сэк ӧти овмӧсын олӧма 6 морт. Медводдзаӧн вужъясьӧма Висерысь Арсений Ефимович Никифоров.
• 1825 воын сы дорӧ воӧма висерса Егор Артемьевич Игушев, 1830 воын – сэтысь жӧ Фёдор Захарович Ивашев.
• 1850-ӧд вося ревизия серти, Зулӧбдінскӧй грездын 3 овмӧсын олӧма 26 морт.
• 1859 вося списокын пасйӧма, мый «Зулобдинская (Зулеб-Дин)» грездын вӧлӧма нин 10 овмӧс, 30 морт (14 мужичӧй, 16 нывбаба).
• 1916 воын «Зулобдинская» грездын, коді пырӧ вӧлӧм Висер вӧлӧсьтӧ, вӧлӧма 31 овмӧс, 161 морт (75 мужичӧй, 86 нывбаба).
• 1926 воын Висер вӧлӧсьтӧ пырысь «Зулобдинская» грездын вӧлӧма 40 овмӧс, 180 морт (88 мужичӧй, 92 нывбаба).
• 1939 вося перепись дырйи Висер сикт сӧвет улӧ пырысь Зулӧб грездын олӧма 270 морт.
• 1956 вося списокъясын Зулӧб пасйӧма Ыджыдвидз сикт сӧвет улын нин.
• 1970-1980-ӧд воясӧ Зулӧбын олысь лыдыс чинӧма: 1970 воын вӧлӧма 187 морт, 1989 воын лоӧма 143 морт (68 мужичӧй, 75 нывбаба). Став олысьыс – коми.

Олысь лыд

Олысьяслӧн лыд (СССР-ын да Россияын йӧзӧс пасъялан вояс)
1850	1859	1916	1926	1939	1970	1989	2000	2007
26 (3 овмӧс)	30 (10 овмӧс)	161 (31 овмӧс)	180 (40 овмӧс)	270	187	143	151 (47 овмӧс)	199

Медводдза овъяс

• Игушев, Ивашев, Никифоров.

Велӧдӧм

Коркӧ вӧлӧма улыс тшупӧда школа да челядь видзанін.

Культура

Ӧні грездас уджалӧ клуб (вӧвлӧм часовня инын).

Овмӧс

• 1950 воын Ыджыдвидзса 4 колхоз да Зулӧбса «Ударник» нима колхоз ӧтлаасисны «Ленин» нима колхозӧ.
• Ӧні грездас эм клуб, ФАП, вузасянін.

Тӧдчана йӧз

• Игушев Николай Ефимович (Епим Микулай, 1931—2016) — видз-му овмӧсын уджалысь, Коми АССР-са народнӧй овмӧсса нимӧдана уджалысь (1980)
• Бурдин Михаил Николаевич (1948) – «Зарни ань» сьылан котырӧн веськӧдлысь, Коми Республикаса нималана артист (1982), Коми Республикаса нимйӧза артист (2004).

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.) Издание шестое, официальное / ГУ «ТФИ РК». — Сыктывкар, 2006. — 278 с.
• Республика Коми: Энциклопедия. — Сыктывкар, 1997-2000. — Т. 1—3.
• Панюков И.М. Висер вож да сэтчӧс олысьяс йылысь пасйӧдъяс. — Кӧрткерӧс, 1999.

Ыстӧдъяс

Ыджыдвидз сиктувса оланінъяс
Ӧнія оланінъяс: Выльыб • Джиян • Зулӧб • Ыджыдвидз • Коркӧя оланінъяс: Макарсикт •