Козлова Елена Васильевна
| Козлова Елена Васильевна | |
| Чужан лун: |
1954-ӧд вося урасьӧм тӧлысь 14-ӧд лун (70 арӧс) |
|---|---|
| Чужанін: | |
| Мыйся уджыс: | |
Козлова Елена Васильевна (1954—2021) — челядьдлы коми гижысь. Нывдырся овыс Ветошкина.
Олан туй
вежныЕлена Козлова чужӧма 1954-ӧд вося урасьӧм тӧлысь 14-ӧд лунӧ Емдін районса Лыаты грездын. Помалӧма Коми канмуса педагогика институтысь филология факультет (1976). Сосногорск районын 1976—1978-ӧд воясын уджавлӧма школаын роч литература велӧдысьӧн да челядь садйын кага видзысьӧн. 1978–1982-ӧд воясӧ уджалӧма СССР-са Наукаяс академияысь Коми филиаллӧн (ӧні — Коми наука шӧрин) Кыв, литература да история институтын старшӧй лаборантӧн. Ветлӧма некымын экспедицияӧ чукӧртны фольклор, йӧзӧдӧма нимкывъяс йылысь туясян удж.
1982-ӧд восянь Е.В. Козлова уджалӧма Коми гижысь котырын литературнӧй консультантӧн, 1992—1995-ӧд воясӧ — Коми Республикаса гижысь котырын правленньӧса веськӧдлысьӧс вежысьӧн. 1995—2021-ӧд воясӧ Елена Васильевна веськӧдлӧма Коми гижысь котырӧн.
Кулӧма 2021-ӧд вося ӧшым тӧлысь 29-ӧд лунӧ коронавирусысь Сыктывкарын.[1].
Гижӧдъяс
вежныЛитератураӧ Елена Ветошкина (Козлова) пырӧдчӧма 1970-ӧд вояс помын. Медводдза кывбуръясыс («Ош. Кӧч») петӧмаӧсь «Войвыв кодзув» журналын 1978-ӧд воын.
1988-ӧд воын сылӧн петӧма челядьлы медводдза небӧг — «Лӧз клянича», кӧні восьтӧма Аннуш нима нывкалысь олӧмсӧ. Гижӧдыс вӧлі йӧзӧдӧма комиӧн и рочӧн. Сэксянь петӧма уна небӧг: «Лӧз клянича» (1988), «Ме да Ивук вокӧй» (1992), «Лым морт» (1997), «Гӧгыля-вугыля» (2002), «Шундыр» (2007), «Сямтӧм зонка» (2013, да с.в.
Е.В. Козловалӧн повесьт-висьтъяссӧ пыртӧма 1-3 класса школаса лыддьысян учебникъясӧ.
Елена Козловалысь висьтъяссӧ вуджӧдӧма роч, удмурт, мари, мордва, башкыр кывъяс вылӧ.
Гижӧ медсясӧ посни челядьлы. Гижӧма татшӧм пьесаяс, кыдзи «Августын» (1988), «Вӧрса коз дорын» (1986) и «Туй дор бадь» (2014).
1991-ӧд восянь пырӧ СССР-са да Коми гижысь котыръясӧ.
Россияса литература сӧвмӧдӧмӧ уна вося пай пуктӧмысь 2019-ӧд воын сылы сетӧма Д. Н. Мамин-Сибиряк нима ставроссияса литературнӧй премия, зарни медаль да сьӧм.
Йӧзкотырса удж
вежныЕ.В. Козлова — Россияса гижысь котыр правленньӧӧ пырысь, секретар 1996), Фин-йӧгра гижысьяслӧн войтыркостса ассоциацияын веськӧдлысьӧс вежысь (1996).
Небӧгъяс
вежныКомиӧн
вежны- Лӧз клянича: висьтъяс / Ред. В.А. Попов; серпасаліс В.В. Токарев. — Сыктывкар: Коми кн. изд-во, 1988. — 32 л.б.
- Ме да Ивук вокӧй: повесть / Серпасаліс Г.Н. Шарипков. — Сыктывкар: Коми кн. изд-во, 1992. — 48 л.б.
- Лым морт: висьтъяс, пьеса / Ред. А.В. Тентюков; серпасаліс О.И. Павлюк. — Сыктывкар: Коми кн. изд-во, 1997. — 46 л.б.
- Гӧгыля-вугыля: повесьтъяс, висьтъяс / Ред. А.В. Тентюков; серпасаліс В.А. Клейман. — Сыктывкар: Коми небӧг лэдзанін, 2002. — 216 л.б.
- Шундыр: [повесьт, висьтъяс, мойд] / Серпасаліс А.Б. Минченкова. — Сыктывкар: Анбур, 2007. — 88 л.б.
- Гӧгыля-вугыля: повесть-мойд / Роч кыв вылӧ вуджӧдіc Е.В. Габова; Серпасаліс И.А. Авилова. — Сыктывкар: Анбур, 2008. — 112 л.б. (комиӧн и рочӧн)
- Гожӧмын: [висьтъяс]. — Сыктывкар: АУ РК «Коми му» газет редакция, 2011. — 14 л.б.
- Сямтӧм зонка: повесьт-мойд. — Сыктывкар: Коми Республикаса гижысь котыр, 2013. — 48 л.б.
- Туй дор бадь: Повесьтъяс, висьтъяс, пьеса / Серпасаліс Ю. Н. Лисовский. — Сыктывкар: Коми Республикаса гижысь котыр, 2014. — 144 л.б.
- Козлова Е. В. Тошка пӧль: Мойд [Ред. А. В. Попов; Худ. А Попова, вуджӧдіс П. М. Столповский.]. — Сыктывкар: Коми Республикаса гижысь котыр, 2022. 24 л.б. (комиӧн и рочӧн)
- Козлова Е. В.Рытъя кыаӧй менам: Повесьтъяс, висьтъяс, драмаяс, казьтылӧмъяс / Лӧсьӧдіс Е. Е. Афанасьева. — Сыктывкар: ООО «Анбур», 2023. — 368 л.б.
Вуджӧдчӧмъяс
вежны- Клейн А.С. Волшебный Камень и Книга Белой Совы: повесть-сказка по мотивам коми фольклора = Олӧм Из да Вежӧркуд Небӧг: коми фольклор подув вылын лӧсьӧдӧм мойд-повесьт / Пер. с рус. Е.В. Козловой, худож. В.А. Клейман. — Сыктывкар: Коми кн. изд-во, 2005. — 144 с.
Редактируйтӧм небӧгъяс
вежныНаградаяс
вежны- Коми Республикаса нимӧдана уджалысь (2001)
- Россияса культураын нимӧдана уджалысь (2010) — культура сӧвмӧдӧмысь да уна вося бур уджысь
- И. А. Куратов нима Коми Республикаса Веськӧдлан котырлсь премия босьтысь (2011) — «Коми челядь литература антология» дасьтӧмысь
- «Коми Республикалы 95 во» медаль (2016)[2]
- Д. Н. Мамин-Сибиряк нима ставроссияса литературнӧй премия (2019)[3]
- «Культураын вермӧмъясысь» морӧсвывса пас (Россия)
- «Коми Республикалы 100 во» медаль (2021)
Ӧшмӧсъяс
вежны- FU-Lab сайтын Е.В. Козлова гижӧдъяс йылысь.
- Коми гижысь котырлӧн сайтын Е.В. Козловалӧн олантуй.
- Гижысь котырӧ пырысьяс
- Коми Республикаса национальнӧй библиотека
- Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — 212 с.
- Елена Васильевна Козлова: биобиблиографический указатель / Дасьт. Л.Ф. Корнаухова, А.Н. Нестерова. — Сыктывкар: Национальная детская библиотека Республики Коми им. С.Я. Маршака, 2014. — 60 лб. (Детские писатели Республики Коми. Вып. 8).
Ыстӧдъяс
вежны- ↑ Ушла из жизни председатель Союза писателей Коми Елена Козлова // «Комиинформ» юӧр сетан агентство (2021.12.29-ӧд лун; рочӧн)
- ↑ Джавршян Г. Государственные награды и знаки отличия жителям республики вручил глава Коми Сергей Гапликов // «Комиинформ» юӧр сетан агентство (2016.12.22 лун; рочӧн)
- ↑ С.Я. Маршак нима Коми Республикаса Вужвойтырлӧн челядьлы небӧгаин (2019.11.08; рочӧн) — Россияса унасикаса литература сӧвмӧдӧмӧ уна вося пай пуктӧмысь.