Легенда

Легенда – тайӧ фольклор жанр, йӧзкостса традицияӧ пырӧм неыджыд йӧрыша проза нога висьт, коді йитчӧма Кристос эскӧмкӧд.

Жанрлӧн признакъяс

Легенда жанрлы лӧсялӧны татшӧм признакъяс:

• Легенда висьталӧ важся вӧвлӧмтор йылысь, подулас пырджык вежа гижӧдъясысь босьтӧм сюжет.
• Тшӧкыда легенда сюрӧс подулын мыйкӧ чуймӧдантор, фантастическӧй.
• Легендасӧ висьталысьыс гӧгӧрвоӧдӧ кыдз збыль вӧвлӧмтор (збыльтор вылӧ установка).
• Легендаясын вевтыртӧны гӧгӧрвоӧдана (объяснительнӧй) да велӧдана (нравоучительнӧй) функцияяс.
• Гижӧда (книжнӧй) традициякӧд йитӧд.
• Христианскӧй легенда – сёрӧн артмӧм жанр, коді йитчӧ мукӧд фольклор жанркӧд. Легендарнӧй сюжетъяс пырны йӧзкостса прозаӧ, артмӧдӧны жанръяслысь ӧтувтчӧмъяс.
• Легендалы оз лӧсяв шыльӧдӧм-мольӧдӧм, абу зумыда урчитӧм текст.

Легенда ёна торъялӧ абу мойдана проза мукӧд жанръясысь сійӧн, мый артмӧ оз сӧмын устнӧй йӧзкостса, но и гижӧда традиция подув вылын.

Коми легендаяс серти небӧгъяс

Ӧшмӧсъяс

• Коми фольклор: Хрестоматия / Лӧсьӧдісны да водзкывъяссӧ дасьтісны В.В. Филиппова, Н.С. Коровина. – Сыктывкар: Коми кн. изд-во, 2002. – Л.б. 158-164.