Филиппова Валентина Викторовна

коми фольклор да оласног туялысь

Шаблон:Серпасыс абу

Филиппова Валентина Викторовна
Чужан лун:

1957-ӧд вося йирым 4-ӧд лун(1957-10-04)

Чужанін:
Кулан кад:

2012-ӧд вося рака 6-ӧд лун(2012-03-06) (54 арӧс)

Куланін:
Канму:
Мыйся уджыс:

фольклористка

Файл:Филиппова В.В.jpg
(Филиппова Валентина Викторовна (19572012) – коми фольклор да оласног туялысь)

Филиппова Валентина Викторовна (19572012) — коми фольклор да оласног туялысь, филология наукаясса кандидат (1992). Нывдырся овыс — Терентьева.

Олан туйПравить

Валентина Филиппова чужӧма 1957-ӧд вося йирым тӧлысь 4-ӧд лунӧ Сосногорск районса Винла грездын. 1981 воын помалӧма Сыктывкарса канму университетысь филология факультет «Филология» специальносьт серти. Стажируйтчӧма Ленинградса канму университетын, а сэсся велӧдчӧма СССР-са наукаяс академиялӧн Коми филиалса аспирантураын. 1987-ӧд восянь уджалӧ Сыктывкарса канму университетса филология факультетын: ассистентӧн (19871990), старшӧй преподавательӧн (19901998), филология факультетын деканӧс вежысьӧн (19901993).

1992-ӧд воын Москваса канму университетын дорйӧма филология наукаясса кандидат ним вылӧ диссертация. 1998-ӧд воын сылы сетӧма «доцент» звание.

Кулӧма 2012- ӧд вося рака тӧлысь 6-ӧд лунӧ Суомиын, Туркуын научнöй стажировка дырйи [1]. Гуалӧма Сыктывкарса Шӧр шойнаын рака тӧлысь 15-ӧд лунӧ.

Велӧдан уджПравить

Университетын В.В. Филиппова велӧдӧма коми да роч фольклор, веськӧдлӧма студентъяслӧн да аспирантъяслӧн туясян уджӧн. Быд во ветлӧдлӧма фольклор чукӧртан экспедицияясӧ. Дасьтӧма фольклор серти специалистъясӧс.

Туясян уджПравить

Валентина Филиппова туялӧма коми фольклорын обрядкӧд йитчӧм поэзия — бӧрдӧдчанкывъяс, гуасян да кӧлысьдырся сьыланкывъяс. Сылӧн диссертацияыс вӧлi сиӧма тайӧ темаыслы («Поэтика фольклора коми-ижемцев (жанр причитания)»). Сы подув вылын петӧма «Коми фольклор сьылан жанръяс поэтика» велӧдчан пособие.

Туялӧма коми фольклорлысь жанр системасӧ, изьва фольклор традиция.

Лӧсьӧдӧма да йӧзӧдӧма некымын фольклор чукӧр — коми календар гажъяс, йӧзкостса проза серти.

УджъясПравить

Йӧзӧдӧма 80-ысь унджык удж, на лыдын – велӧдчан небӧгъяс да индӧдъяс, монография (мукӧд туялыськӧд) да фольклор текст чукӧръяс.

  • Филиппова В.В. Коми фольклор сьылан жанръяс поэтика: Уч. пос. — Сыктывкар, 1996.
  • Филиппова В.В. Финн-угор йӧз фольклор: методическӧй индӧдъяс. — Сыктывкар, 1997. – 35 с.
  • Коми фольклор. Часть 1. Календарные обряды и поэзия. Хрестоматия / Сост. В.В. Филиппова, Т.С. Канева. — Сыктывкар, 2000. — 98 с.
  • Коми фольклор: Хрестоматия для учащихся школ Республики Коми и студентов / Cост. Филиппова В.В., Коровина Н.С.Сыктывкар: Коми кн. изд-во, 2002. – 328 с.
  • Традиционный народный календарь коми: Материалы (сборник материалов) / Cост. Филиппова В.В., Канева Т.С.Сыктывкар, 2002. — 123 с.
  • Филиппова В.В. Традиционная культура народа коми: уч. пос. — Сыктывкар, 2003. — 217 с.
  • Филиппова В.В. Традиционная культура народа коми: Методические указания к практическим занятиям. — Сыктывкар, 2004. — 102 с.
  • Историческая память в устных преданиях коми: Материалы (сборник текстов) / Cост. Филиппова В.В., Анкудинова М.А. — Сыктывкар, 2005. — 157 с.
  • Филиппова В.В. Фольклор народа коми: Хрестоматия. — Сыктывкар, 2007. — 220 с.
  • Латышева В.А., Остапова Е.В., Филиппова В.В. Язык поэзии коми: Монография. — Сыктывкар: Изд-во Сыктывкарского ун-та, 2009. — 124 с.
  • Филиппова В.В. Фин-угор войтырлӧн фольклор: Велӧдчан небӧг. — Сыктывкар: Изд-во Сыктывкарского ун-та, 2010. — 200 л.б.
  • Филиппова В.В. Традиционная культура и фольклор коми: Сборник статей / Сост., отв. ред. Т.С. Канева. — Сыктывкар: Издательский дом Коми, 2014. — 256 с.

ПаметьПравить

ӦшмӧсъясПравить

  • Канева Т.С. Валентина Викторовна Филиппова // Традиционная культура. 2012. — 4 №. — Л.б. 184—186.
  • Народная культура в слове и тексте: сборник исследований и материалов памяти Валентины Викторовны Филипповой. — Сыктывкар: Изд-во СыктГУ, 2013. — 260 с.

ЫстӧдъясПравить

  1. В Финляндии нежданно ушла из жизни видный исследователь коми фольклора Валентина Филиппова