Коровина Надежда Степановна

Коровина Надежда Степановна
Чужан лун:	1957-ӧд вося йирым тӧлысь 22-ӧд лун(1957-10-22) (67 арӧс)
Чужанін:	Кослан, Коми Республика, РСФСР, Сӧветскӧй Социалистическӧй Республикаяслӧн Союз
Мыйся уджыс:	фольклористка

Коровина Надежда Степановна (1957) — коми фольклор туялысь, филологияса кандидат.

Олан туй

Надежда Коровина чужӧма 1957 вося йирым тӧлысь 22-ӧд лунӧ Коми АССР-ысь Удора районса Кослан сиктын. 1980 воын Сыктывкарса канму университетысь филология факультет помалӧм бӧрын во велӧдӧма Удора районын Черныб сиктса восьмилетньӧй школаын. 1981 вося лӧддза-номъя тӧлысьсянь нёль во секретаралӧма ВЛКСМ-лӧн Удора районса комитетын, веськӧдлӧма велодчысь том йӧзлысь да пионерия юкӧдӧн. 1985 вося тӧвшӧр тӧлысьын пырӧма уджавны Кыв, литература да история институтса литература да фольклор секторӧ старшӧй лаборантӧн. Помалӧма СССР-са наукаяс академиялӧн Коми филиаллысь аспирантура (1988). Аспирантура помалӧм бӧрын уджалӧма фольклор да йӧзкостса искусство секторын младшӧй научнӧй сотрудникӧн (1988 восянь), литература да фольклор юкӧдын научнӧй сотрудникӧн (1994 восянь), фольклор секторын научнӧй сотрудникӧн (2007 восянь), сэсся старшӧй научнӧй сотрудникӧн (2011 восянь).

Туялан удж

Н.С. Коровина туялӧ коми мойдъяс, мойдысьясӧс. 2004 воын дорйӧма кандидат ним вылӧ диссертация, темаыс – «Типология и стилевое родство коми и русских сказок».

Небӧгъяс

• Коми фольклор: Хрестоматия / Сост. Коровина Н.С., Филиппова В.В. — Сыктывкар: Коми кн. изд-во, 2002. — 328 с.
• Коровина Н.С. Коми сказки о богатырях русского эпоса и книжная традиция. — Сыктывкар, 2004. — Вып. 463. — 24 с. (Научные доклады Коми НЦ УрО РАН)
• Коровина Н.С. Опыт сопоставления коми и русской сказки (стилистические аспекты). — Сыктывкар, 2009. — Вып. 505. — 36 с. (Научные доклады Коми НЦ УрО РАН)
• Сказки народа коми. Коми мойдъяс / Сост., вступит. ст., комментарии и указатели Н.С. Коровиной; Отв. ред. П.Ф. Лимеров; Переводы П.Ф. Лимерова, А.В. Панюкова, О.И. Уляшева. — Сыктывкар: АУ РК «Редакция журнала «Арт», 2009. — 496 с.
• Коровина Н.С. Типология взаимодействия коми и русских волшебных сказок (сюжетный состав, художественно-стилевая структура). — Сыктывкар, 2013. — 232 с.
• Изсайса комияслӧн фольклор. Фольклор зауральских коми / Сост. М.И. Елтышева, Н.С. Коровина, А.В. Панюков; Отв. ред. А.В. Панюков. — Сыктывкар, 2016.

Наградаяс

• Россияса наукаяс академиялӧн Почёт грамота (2007)

Ӧшмӧсъяс

• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000.
• Кыв, литература да история сайтын Н.С. Коровина йылысь