Мокчой (Изьва район)

Мокчой (рочӧн Мохча) — Коми республикаын Изьва районысь Мокчой сикт овмӧдчӧминса шӧрсикт.

Мокчой Мохча
Му:	Рочму
Статус:	сикт
республика:	Коми республика
район:	Изьва район
Медводдза казьтыштӧм:	1763
Инлыдпасъяс:	65°00′ в. п. 53°49′ а. к.65° в. п. 53.816667° а. к. 65, 53.816667
Официал кыв	коми, роч
Олысьяс	1105 морт (2007)
Час кытш:	UTC+3+3
Телефон код:	+7 821 40
Пошта индӧс:	169462
Автомобиль код:	11, 111

Фольклор

Мокчойлӧн ним артмӧма кык юкӧнысь: мок да чой. Мӧд юкӧныс чой — керӧс, мыльк. Медводдза юкӧн (мок) йӧзыс гӧгӧрвоӧны некымын ног:

1. Мок + чой (Мок — сійӧ Мокей, татчӧс медводдза вӧралысьлӧн ним).
2. Мох + чой (роч «нитш» кывйысь)
3. Мог + чой (изьваса поп гӧтыр пӧ волӧма татчӧ вотчыны да, тадзи и шуӧма местасӧ, могӧн ветлӧма сэтчӧ да).

География

Сикт пукалӧ Изьва юлӧн шуйга берегын, Мокчашар полой дорын. Мокчойсянь Изьва юрсиктӧдз 4 км.

Юкӧнъяс

Сиктыс куим юкӧна: Мокчойюр, Мокчой, Тод

Мокчой юкӧныс ачыс юксьӧ, тані эм:

• Турышкар
• Пӧимкар

Местаяс: Больничадор, Вичкодор, Горӧдскӧйчой, Детдомдор, Нардомдор, Поспом, Поштадор, Сельподор, Техникадор, Титпияндор, Школадор, Шорбок, Шорйыв, Шормӧдар, Шорсай, Шыясдор.

Тодыс бара юксьӧ, сэні нёль юкӧн:

• Вылыс Тод
• Улыс Тод
• Тодпом
• Ылыс Тод (ӧні сэтчӧ кыпӧдӧны выль керкаяс)

Тодса местаяс: Калина.

Мокчойюрса местаяс: Сидук

Татчӧс ландшафтъяс

Изьва юлӧн полой:

• Мокчашар

Мокчашарса ландшафтъяс: Важ Джум, Весьланчой, Вӧрӧтавесьт, Выль Джум, Изъянырд, Кось, Прӧлейвом, Рощадор, Рысьвавом, Шарвом, Шеллявыв, Шелляув, Шорвом.

Шоръяс: Балдашор — Ыджыдшорлӧн юкӧн; Конашор = Усьташор (Мокчой да Тод костын), Кӧрмашор, Левашор, Нӧлыньшор (торйӧдӧ Мокчой Гамысь); Ӧксяшор, Чуйдасяншор (торйӧдӧ Мокчой Букурысь), Ыджыдшор (= Мяндиншор).

Тыяс: Баляты, Больничаты, Вискаты, Ижматы, Сімты, Тальматы, Ыджыдты.

Діяс: Нырд.

Мылькъяс: Ванюкчой, Ванькакерӧс, Весьланчой, Ёлькерӧс, Ляга, Мичамыльк.

Муяс да видзьяс: Аллёму, Афанасейму. Бедамель, Ванькакерӧс, Виссай, Власейму (Кантукму), Выльму, Дякӧнйӧр, Ёлькерӧс, Иванді, Йигакерӧс, Кармыльк, Кожевинкерӧс, Кӧнӧвал / Коневал/, Кыктыкост (Тальматы да Ыджыдты костын), Мокчойвыв, Мӧдпӧв, Морскӧй веретя, Ӧльмыльк, Рассай, Уйт, Фӧнарму.

Туйяс: Бамтуй, Ёльтуй. Мӧгила вылэ каан туй, Шӧртуй.

Посъяс: Дымпос, Мяндинпос, Нӧлыньпос, Пичкалевпос, Ыджыдпос.

Юкмӧсъяс: Левабурня, Митрофанбурня, Пименбурня, Поморямбурня, Рӧдьваньбурня, Сидкобурня, Сидукбурня.

Мукӧдінъяс: Пронь Иван.

История

Швецов "Казьтылан небӧгын" (1864 в.) шуӧма, медводдза олысьяс пӧ воӧмаӧсь татчӧ 1737 во гӧгӧрын. И.Л. Жеребцов серти, Мокчой грезд котыртӧма 1745 да 1763 вояс костын. А.П. Афанасьев датируйтӧ грезд артмӧмсӧ 1763 воӧн, а А.И. Туркин пасйӧ, мусерпасын пӧ Мокчойыд петкӧдчӧ медводз 1846 воӧ.

Олысь лыд

Грездын олӧны комияс.

Вояс да олысь лыд
1851	1926	1970	1979	1989	2000	2007	2015
						1105

Медводдза овъяс

• Артеев, Ануфриев, Батманов, Витязев, Вокуев, Канев, Попов, Сметанин, Филиппов.

Тӧдчана йӧз

• Хатанзейский Андрей Гурьевич (1923—1945) — Сӧветскӧй Союзса Герой (1945).
• Сметанина Раиса Петровна (1952) — Сӧвет кадся нималана лызьӧн котралысь, Олимпиада ворсӧмъясын нёльысь вермысь.

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.

Ыстӧдъяс

Мокчой сиктувса оланінъяс
Ӧнія оланінъяс: Гам • Косъёль • Кулим • Мокчой • Шель •