Пелысь мольяс (ансамбль)

Пелысь мольяс — Тима Вень нима Коми Республикаса культура колледж бердын студентъяслӧн сьылан-йӧктан ансамбль. Котырлӧн художественнӧй веськӧдлысь — Т.Т. Пупышева, хормейстер — Н.М. Гнедых, балетмейстер — О.В. Просужих.

Файл:Пелысь мольяс.JPG

«Пелысь мольяс» — йӧзкостса сьыланкывъяслӧн да йӧктӧмъяслӧн ансамбль

История

«Пелысь мольяс» ансамбль артмис 1993 воын. Котырыс чужис кык енбиа мортлӧн водзмӧстчӧм серти: Наталья Гнедых вӧлі медшӧр хормейстерӧн (2012 восянь сідзжӧ веськӧдлӧ роч йӧзкостса сьыланкывъяслӧн «Северная околица» ансамбльӧн), а Татьяна Пупышева — художественнӧй веськӧдлысьӧн.

Ансамбль век петкӧдчӧ Коми Республикаса «Шондібан» да «Луза дорса гаж» празьникъяс вылын. Ансамбльлысь сьылысьяссӧ, йӧктысьяссӧ да ворсысьыссӧ тшӧкыда позьӧ аддзывлыны выставка, гала-концерт, фестиваль, конкурс, рытпук восьтӧмъяс дырйи.

«Пелысь мольяс» котырын сьылӧны колледжын велӧдчысь студентъяс, та вӧсна налӧн лыдыс век вежласьӧ. Шӧркодя сэні 20 артист. Быд во колледж помалысьяс пыдди ансамбльӧ локтӧны выль велӧдчысьяс. Кызь воӧн дасьтӧма 400 гӧгӧр йӧктысь-сьылысьӧс.

Котырлӧн репертуарын эм коми, роч да фин-йӧгра войтырлӧн йӧзкостса сьыланкывъяс: потандорса, вежадырся, кытшӧн йӧктана и с.в.

«Пелысь мольяс» котыр сӧвмӧдӧмӧ пай пуктісны сідзжӧ концертмейстер Николай Артеев, хореографъяс Ольга Просужих да Татьяна Бурилова, хормейстер Светлана Асташева, шылад тэчысь Любовь Глазырина, режиссёр Виктор Напалков, концерт нуӧдысь Вера Морозова.

Конкурс-фестивальясын петкӧдчӧм

• Фин-йӧгра войтырлӧн V Войтыркостса фестиваль (Кудымкар, 1995);
• Национальнӧй культураяслӧн «Жар-птица» Регионъяскостса фестиваль (Киров, 2005);
• Йӧзкостса творчестволӧн «Родники Поволжья» XI Ставроссияса фестиваль (Чебоксары, 2002, 2003);
• «Сияние севера» Регионъяскостса фестиваль (2000).

Ӧшмӧсъяс

• Щербинина М. Бусинка к бусинке / Ансамблю «Пелысь мольяс» — 20 лет // «Республика» газетлӧн сайт, 2013 во, косму тӧлысь 10-ӧд лун, 61 (4938) № (рочӧн)
• «Пелысь мольяс» ансамбль «Финноугория» сайтын (рочӧн)