Подоров Иван Гаврилович

Подоров Иван Гаврилович
Чужан лун:	1906-ӧд вося тӧвшӧр тӧлысь 14-ӧд лун(1906-01-14)
Чужанін:	Палаззя, Сыктыв район, Коми Автономнӧй Сӧветскӧй Социалистическӧй Республика, РСФСР[d] Усть-Сысольск уезд, Вӧлӧгда губерния, Россияса империя
Кулан кад:	1942
Канму:	Сӧветскӧй Социалистическӧй Республикаяслӧн Союз
Мыйся уджыс:	поэт

Подоров Иван Гаврилович (комиӧн: Гаврил Иван; 1906—1942) — коми поэт, вуджӧдчысь.

Олан туй

Иван Подоров чужӧма 1906-ӧд вося тӧвшӧр тӧлысь 14-ӧд лунӧ Вӧлӧгда губерняысь Усть-Сысольск уездса Палаззя сиктын (ӧні — Сыктыв районын).

Начальнӧй школа помалӧм бӧрын уджалӧма бать овмӧсас, 1929-ӧд восянь — вӧрын. 1932-ӧд воын лоӧма «звучникъяс» медводдза бригадаӧн веськӧдлысьӧн. Гаврил Иванлысь гижан сямсӧ казялӧмаӧсь коми гижысьяс Павел Шеболкин да Иван Симаков, кодъяс волӧмаӧсь тайӧ нималана бригадаас. 1933-ӧд воын Иван Подоров пырӧма велӧдчыны Кардорса комвузӧ. Сійӧс помалӧм бӧрын уджалӧма велӧдысьӧн да избачӧн Палаззяын, Коми небӧг лэдзанінын редакторӧн.

Усьӧма Айму вӧсна Ыджыд тышын 1942-ӧд воын.

Гижан удж

Гаврил Иван гижлӧма кывбуръяс да очеркъяс. Йӧзӧдлывлӧма «Ударник» журналын.

Комиӧдлӧма роч гижысьясӧс, на лыдын А. Толстойлысь «Зарни ключ либӧ Буратинолӧн приключениеяс» небӧгсӧ (1939).

Комиӧдӧм небӧгъяс

• Толстой А. Зарни ключ либӧ Буратинолӧн приключениеяс. — Сыктывкар: Коми государственнӧй издательство, 1939. — 136 л.б.
• Степняк-Кравчинскӧй С. Андрей Кожухов. — Сыктывкар: Коми государственнӧй издательство, 1940. — 238 л.б.
• Панферов Ф. Ас синъясӧн: повесть. — Сыктывкар: Коми государственнӧй издательство, 1942. — 38 л.б.

Ӧшмӧсъяс

• Иван Гаврилович Подоров: биогр. юӧр // Коми поэзия антология. — Сыктывкар, 1967. — Л.б. 237.
• «Коми гижӧд» онлайн-тӧданінын Подоров Иван Гаврилович йылысь