Попов Геннадий Иванович

Попов Геннадий Иванович
Чужан лун:	1952-ӧд вося косму 10-ӧд лун(1952-04-10) (68 арӧс)
Чужанін:	Джиян, Ыджыдвидз сикт овмӧдчӧмин[d], Кӧрткерӧс район, Коми Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	гижысь

Файл:Попов Г.И.jpg

Попов Геннадий Иванович (1952)

Попов Геннадий Иванович (Висер вожса Öнись дядь; 1952) — челядьлы коми гижысь да шылад тэчысь.

Олан туй

• 1952, косму тӧлысь 10 лун – чужис Коми Республикаса Кöрткерöс районысь Ыджыдвидз сикт овмӧдчӧмин улö пырысь Джиян грездын.
• Ас кадö пастукавлöма, бульдозер вылын уджалöма, веськöдлöма гаражöн да механизаторавлöма. Вöлöма сельсоветöн веськöдлысьöн.
• 1978 – олö да уджалö Одыбын
• 1993 – уджалö челядь садйын шылад велöдысьöн.
• 1999 – уджалö Одыбын «Нюмсер» челядьлы содтöд тöдöмлунъяс сетан шöринын, велöдö ныв-зонмöс гудöкасьны да мыла коми сьыланкывъяс ливкйöдлыны. Веськöдлö «Гармошечка» да «Чуманок» кружокъясöн. Нуöдö садйын кружок.
• 2001 – помаліс Сыктывкарын 2 №-а педагогика колледж.

Гижан удж

Геннадий Поповлöн кывбуръяс заводитöмаöсь артмыны армияас служитігöн на. Гижöма и рочöн, и комиöн.

Посни челядькöд уджалігöн кутöма чужны сьыланкывъяс. Шыладысь öтдор дасьтöма и гаж нуöдан сценарийяс, талун кежлö 100 сайö нин чукöрмöма.

Лöсьöдіс да веськöдлö челядьлы «Ловъя ва» фольклор ансамбльöн.

Лöсьöдіс коми йöзкостса сьыланкывлысь "Сипертас" народнöй ансамбль.

"Коми гор" телекомпаниякöд дасьтö челядьлы «Дзолюк» радиоуджтас да «Кекӧнач» телеуджтас.

Попов Г.И. кыдзи йöзкостса мастер вöчалö пуысь да сюмöдысь коми йöзкостса шылада инструментъяс: буксан, зиль–зёль, шур–шар, тотшкöдчан, чипсан, пöлян. Челядькöд вöчалö туис, нянь доз, кöті, сикöтш, юркытш и с.в.

Геннадий Попов водзмöстчöмöн Кöрткерöс районын мунö "Играй, гармонь" конкурс.

Небöгъяс

Г.И. Поповлöн петöма нин сьыланкыв-кывбура 7 чукöр:

• Сьыланкывъяс чукöр (1996)
• Кыдзи чужö сьыланкыв (1999)
• Миян гажа сьыланкыв (2006)
• Малямуш (2006)
• Коми детсадйын ворсöм-гажöдчöмъяс (2006)
• Видза олан, гажа лун (2012).
• Мияа гудӧк: дзолюкъяслы сьыланкывъяс. — Сыктывкар, 2017.

Öшмöс

• Макарова Г. Дзолюкъяскöд уджын – сöмын шуда лунъяс // Йӧлӧга. 2012 во, косму тӧлысь 6 лун, 14 №.
• Коми Республикаса национальнöй библиотека
• Лысаковская М. Геннадий Попов оставил трактор ради детей // Республика, 2009. 18 декабря. № 235
• Макарова Е. Коми Страдивари (В его руках «звучит» даже полено) // Трибуна, 2011, 15 апреля.