Открыть главное меню

Спиридонов Юрий Алексеевич

Спиридонов Юрий Алексеевич (19382010) — Коми Республикаса Юралысь (19942001), Россия Федерацияса Государственнӧй Думаса депутат (20032007), Естественнӧй наукаяслӧн Россияса академияӧ збыльвывса пырысь, Горнӧй наукаясса Академияса академик (1997), экономика наукаясса доктор, техническӧй наукаясса кандидат (1982).

Спиридонов Юрий Алексеевич
Портрет
Чужан лун:

1938-ӧд вося вӧльгым 1-ӧд лун(1938-11-01)

Чужанін:
Кулан кад:

2010-ӧд вося моз 12-ӧд лун(2010-08-12) (71 ар)

Куланін:
Канму:
Мыйся уджыс:

политик, экономист

Ошканпасъяс да премияяс:
орден «За заслуги перед Отечеством» IV степени Уджвывса Гӧрд Дӧрапас орден Войтыръяслӧн Ёрталун орден орден преподобного Сергия Радонежского III степени
Файл:Спиридонов Ю.А. 1.jpg
Спиридонов Юрий Алексеевич (1938-2010)
Файл:Спиридонов Ю.А. Бюст.jpg
Ю.А. Спиридоновлы Искусствояс гимназия водзын бюст (вӧчис Владимир Матюхин 2011 воын)
Файл:Спиридонов Ю.А. Паметник.jpg
Ю.А. Спиридоновлы Гӧрд Затонса шойна вылын паметник (2012 во)

Олан туйПравить

Чужӧма 1938-ӧд вося вӧльгым тӧлысь 1-ӧд лунӧ Омск обласьтса Полтавка сиктын. 1961-ӧд воын помалӧма Свердловскын горнӧй институт. 19611964 воясын уджалӧма Магадан обласьтын «Горный» приискын горнӧй мастерӧн, участокын веськӧдлысьӧс вежысьӧн, медыджыд горнӧй мастерӧн.

19641975 воясӧ — Коми АССР-ын Ярега управленньӧса отделын инженер, участокын начальник, шахтаын веськӧдлысь. 19751989 воясӧ — КПСС-лöн Ухта карса комитетын отделӧн веськӧдлысь (заведуюшӧй), КПСС-лӧн Усинск райкомын медводдза секретар, КПСС-лӧн Коми обкомын мӧд секретар. 19891990 воясӧ — КПСС-лӧн Коми обкомын медводдза секретар, 19901994 воясӧ – Коми АССР-са Вылыс Сӧветын веськӧдлысь.

1993-ӧд вося ӧшым тӧлысьсянь — медводдза созыва Федерация Сӧветӧ пырысь, 1994-ӧд вося косму тӧлысьӧдз пырӧма бюджет, валюта, сьӧм да кредит регулируйтӧм, сьӧм эмиссия, вот перъян политика да таможня регулируйтан комитетӧ, сэсся — войвыв да этша лыда войтырлӧн делӧяс серти комитетӧ пырысь.

1994-ӧд вося ода-кора тӧлысь 7-ӧд лунӧ вермӧма бӧрйысьӧмъяс дырйи да лоӧма Коми Республикаса Юралысьӧн да, Коми Республикаса Оланподув серти, тшӧтш и и правительствоӧн веськӧдлысьӧн.

1997-ӧд вося вӧльгым тӧлысь 30-ӧд лунӧ вермӧма кадысь водз бӧрйысьӧмъясын да выльысь пуксьӧма Коми Республикаса Юралысьӧ.

2001-ӧд воын Коми Республикаса Юралысьӧс бӧрйигӧн босьтӧма 34,9 % гӧлӧс да ворссьӧма Коми Республикаса Каналан Сӧветӧн веськӧдлысь Торлопов Владимир Александровичлы (сылӧн 40 % гӧлӧс).

2003-ӧд вося ӧшым тӧлысьӧ йӧзыс бӧрйисны 18 №-а Сыктывкарса ӧти мандата кытш серти Россия Федерацияса Каналан Думаӧ депутатӧн. Вӧлi уджалӧ вӧр-ва ресурсъяс да наӧн вӧдитчӧм серти комитетын.

Кулӧма 2010-ӧд вося моз тӧлысь 12-ӧд лунӧ Сыктывкарын, гуалӧма Гӧрд Затонса шойнаын.

НаградаясПравить

ПаметьПравить

  • 2011 воын Гӧрд Затонса шойнаын Юрий Спиридонов гу вылын вӧлі восьтӧма казьтылан комплекс да сувтӧдӧма озысь бюст, кодӧс вӧчӧма Владимир Матюхин. Сылӧн гӧтыр Галина Медухалӧн кывъяс серти, бюстсӧ вӧлi вӧчӧма недыр кежлӧ. 2012-ӧд вося косму тӧлысь 20-ӧд лунӧ гу вылас пуктӧма гранитысь казьтылан паметник. А озысь бюстсӧ шуӧма сувтӧдны Коми республикаса Юралысь бердын Искусствояс гимназия йӧрӧ.
  • 2012-ӧд воын Ю.А. Спиридоновлысь нимсӧ сетӧма Коми республикаса Юралысь бердын Искусствояс гимназиялы, сэні быд во нуӧдӧны Спиридоновлы сиӧм лыддьысьӧмъяс.
  • Йӧзӧдӧма некымын казьтылана небӧг.

ӦшмӧсъясПравить