Тимушев

Тимушев – комияс пӧвстын тшӧкыда паныдасьлысь ов.

Коми туялысь Ф.В. Плесовский серти, 1720 воын Тимушевъяслӧн ӧти семья вӧлӧма Керчомьяын да куим семья Донын. Донын Тимушевъяслӧн вуж-пӧльнас вӧлӧма: Зиновейка Тимофейко сын, тыр арлыда Никитка, Антонка да Давыдко пияныскӧд. Донсӧ сэк нимтылӧмаӧсь тадз: «дер. Кулӧмка на реке Куломке».

Керчомьяын 1646 воын медводдза олысьясӧн вӧлӧмаӧсь: «Дениска да Сысойка Тимофеевы дети».

Дон да Керчомья кындзи уна Тимушев олӧ Немдінын (1964 воын – 65 семья) да Парчегӧн (10 семья).

Овыс артмӧма Тимофей ас нимысь – Тимуш, а сэсянь – Тимушев.

Нималана йӧз

• Тимушев Андрей Антонович (1897–1969) — Слава ордена тыр кавалер.
• Тимушев Алексей Степанович (1898—1947) — коми гижысь, драматург.
• Тимушев Степан Фёдорович (1919—1986) — коми гижысь.
• Тимушев Георгий Фёдорович (1922–1997) — Сӧвет Союзса Герой.
• Тимушев Алексей Степанович (1934—1975) — коми гижысь.
• Тимушев Эдуард Алексеевич (1962–2006) — коми гижысь.

Ӧшмӧсъяс

• Плесовский Ф.В. Комиын овъяс / Сост. И.Л. Жеребцов. – Сыктывкар, 1997. – С. 114.