Тимушев Эдуард Алексеевич

Тимушев Эдуард Алексеевич
Чужан лун:	1962-ӧд вося моз тӧлысь 21-ӧд лун(1962-08-21)
Чужанін:	Керчомъя, Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз
Кулан кад:	2006-ӧд вося ӧшым тӧлысь 4-ӧд лун(2006-12-04) (44 арӧс)
Куланін:	Кулӧмдін, Коми Республика, Рочму
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	поэт, журналист

Тимушев Эдуард Алексеевич (1962–2006) – коми поэт, журналист.

Олан туй

• 1962, моз тӧлысь 21-öд лун – чужис Коми АССР-ын Кулӧмдiн районса Керчомъя сиктын.
• Велӧдчис Немдінса шӧр школаын, уджалыштіс колкозын.
• Помалiс Сыктывкарса канму университет.
• Армия бӧрын директораліс культура Керкаын, уджаліс вӧр кылӧдан котырын.
• 1987 восянь журналисталӧ, уджалӧ Парма гор газетын.
• 2006, ӧшым тӧлысь 4 лун – куліс Кулӧмдiнын.

Гижан удж

Кывбуръяссӧ босьтчис гижны школаын на. Йӧзӧдсис районса да республикаса газетъясын, журналъясын да ӧтувъя сборникъясын. Гижӧдъяслӧн тематикаыс йитчӧма коми сиклӧн олӧмкӧд, чужан мукӧд. Поэзияас медтӧдчана образъяс – гудӧк, пыж да ю.

Гижысьлӧн петіс некымын асшӧр книга: «Ёрта сёрни» (1992), «Крест» (1999), «Видзӧдлас» (2003), Помасьлытӧм муслун (2012 во). Поэтлысь кывбуръяссӧ пыртӧма «Коми челядьлы антология» куим небӧга йӧрышӧ («Анбур» небӧг лэдзанін, 2009, 2010), кодъясӧс дасьтіс гижысь Елена Козлова.

Эдуард Тимушев гижис сідзжӧ басняяс да проза.

1999 восянь сійӧ – Коми Республикаса Юралысьлӧн стипендиат журналистикаын да пырӧ Россияса Гижысь котырӧ.

Небӧгъяс

• Ёрта сёрни: басняяс, кывбуръяс. – Сыктывкар, 1992
• Крест: висьт да кывбуръяс – Кулӧмдін, 1999
• Видзӧдлас. – Сыктывкар, 2003
• Помасьлытӧм муслун: [кывбуръяс] / Дасьт. Е.В. Козлова. – Сыктывкар: Изд-во Союза писателей Республики Коми, 2012. – 32 лб.

Ӧшмӧсъяс

• Кирушев В. Куслытӧм кодзув // Коми му, 2007. Январ 11-ӧд лун; Парма гор, 2007. Август (моз) 21-ӧд лун.
• Бабин В. Сямыс тырмис, да сьыланкыв панiс: август 21 лунӧ Эдуард Алексеевич Тимушевлы эськӧ тырис 45 арӧс: казьтылӧмъяс, письмӧасьӧм // Войвыв кодзув, 2007. – 8 №. – Л.б. 45-55.
• Коми Республикаса Национальнӧй библиотека
• Э.А. Тимушев гижӧдъяс йылысь wiki.komikyv.ru сайтын