Открыть главное меню

Тимушев Дмитрий Андреевич

коми кыв туялысь

Олан туйПравить

Дмитрий Тимушев чужис 1900 вося йирым тӧлысь 12-ӧд лунӧ Кулӧмдін районса Керчомъя сиктын. 1916 воын школа помаліс, 19171918 воясын Югдінын псаломщикаліс. 19181919 воясӧ Керчомъя вӧлӧсьтса исполкомын секретараліс, школаын велӧдіс. 1920 воын еджыдъяслӧн рота штабын, мый овмӧдчис Керчомъяӧ Гражданскӧй тыш кадӧ, переписчикаліс.

19211925 воясӧ уджаліс Кулӧмдінса РОНО-ын веськӧдлысьӧн, 19251927 воясӧ — Коми обласьтса ОНО-ын веськӧдлысьӧс вежысьӧн. 19271928 воясӧ — Кажымса чугун сывдан заводын управляюшӧй, 19291931 воясӧ — Кывтываса челядь карӧн веськӧдлысь. 19311932 воясӧ — Сыктывкарса строительнӧй техникумын директорӧс вежысь, 19321935 воясӧ — Керчомъя школаса директор, 19351936 воясӧ — Сыктывкарын вӧррабфакын да вӧртехникумын старшӧй бухгалтер да велӧдысь, 19361937 воясӧ — бухгалтер курсъяс вылын велӧдысь.

1938 воын Сыктывкарын Велӧдысьяслӧн институтысь кыв да литература факультет помалӧм бӧрын велӧдіс Сыктывкарса педучилишӧын (19381942), Велӧдысьяслысь тӧдӧмлун сӧвмӧдан институтын методисталіс (19411942).

19421944 воясӧ тышкасис Айму вӧсна Ыджыд тыш вылын.

Фронт вылысь воӧм бӧрын пырис уджавны СССР-са наукаяс академиялӧн Коми Базаысь коми кыв, письменносьт да история юкӧдӧ младшӧй научнӧй сотрудникӧн. 1948 вося моз тӧлысь 23-ӧд лунсянь ӧшым тӧлысь 16-ӧд лунӧдз — старшӧй лаборант, сэсся — младшӧй научнӧй сотрудник. 1962 вося косму тӧлысь 23-ӧд лунсяньСССР-са наукаяс академиялӧн Коми филиалын обшественнӧй наукаяс серти туялысь секретар.

1967 вося йирым тӧлысь 1-ӧд лунсянь пенсионераліс. Куліс 1970 вося ӧшым тӧлысь 10-ӧд лунӧ.

Туясян уджПравить

Туяліс лексикография. Ветліс некымын экспедицияӧ, кӧні гижис кывйысь да фольклорысь материал. Коми филиалын уджалігӧн йӧзӧдіс 10 туясян удж, велӧдан да методическӧй небӧг. Медыджыд уджъяс пиын — «Коми-роч кывкуд» (1961), «Роч-коми кывкуд» (1966), кодӧс тшӧтш редактируйтіс. Коми кывйысь синонимъяс кывкудлы материал чукӧртіс.

НебӧгъясПравить

ӦшмӧсъясПравить

  • Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — С.169—170.

ЫстӧдъясПравить