Филиппов Дмитрий Тимофеевич

Шаблон:Серпасыс абу

Филиппов Дмитрий Тимофеевич
Чужан лун:

1930-ӧд вося вӧльгым тӧлысь 15-ӧд лун(1930-11-15) (93 арӧс)

Чужанін:
Канму:
Мыйся уджыс:

политик

Ошканпасъяс да премияяс:
медаль «Серп и Молот» Ленин орден Социалистическӧй Уджвывса Герой медаль «В ознаменование 100-летия со дня рождения Владимира Ильича Ленина» знак «Шахтёрская слава» III степени знак «Шахтёрская слава» II степени знак «Шахтёрская слава» I степени медаль «Ветеран труда»

Филиппов Дмитрий Тимофеевич (19302017) — Социалистическӧй Уджвывса Герой, шахтёр-машинист.

Олан туй вежны

Дмитрий Филиппов чужӧма Коми АССР-ын Печора районса (ӧні — Ускар каркытш) Лыжавом сиктын 1930-ӧд вося вӧльгым тӧлысь 15-ӧд лунӧ. Школаын 7 класс помалӧм бӧрын уджалӧма «Выль олӧм» колхозын.

1949-ӧд воын локтӧма Воркутаӧ. 3-ӧд номера Ремесленнӧй училишӧ (ӧні — Вӧркутса политехническӧй техникум) помалӧм бӧрын 19511968-ӧд воясын уджалӧма «Капитальная» 1-дза номера шахтаын (сёрӧнджык кутіс шусьыны «Воркутуголь» комбинатса «Востокуголь» трестысь «Воркутинская» шахта) врубӧвӧй машинаса машинистӧн, сэсся изшом комбайнса машинистӧн. Сьӧкыда доймалӧм бӧрын 1969-ӧд восянь уджалӧма «Воркутинская» шахтаын лэптан установкаса машинистӧн. 1973-ӧд воын 1-дза номера «Капитальная» да 40-ӧд номера шахтаяс подув вылын вӧлі вӧчӧма да восьтӧма «Воркутинская» шахта. Ставнас шахтаын уджалӧма 32 во.

Уджын ыджыд вермӧмъясысь СССР-са Вылыс Сӧветысь Президиум шуӧмӧн 1966-ӧд вося лӧддза-номъя тӧлысь 29-ӧд лунӧ Д.Т. Филипповлы сетісны Социалистическӧй Уджвывса Геройлысь ним, Ленин орден да «Чарла да мӧлӧт» медаль. Сыкӧд ӧти кадӧ тайӧ жӧ нимсӧ сетӧма нӧшта куим вӧркутаса олысьлы.

Олӧма Уква карын. Кулӧма Укваын 2017-ӧд вося моз тӧлысь 20-ӧд лунӧ.[1]

Депутат вежны

Воркутаса олысьяс бӧрйылӧмаӧсь сійӧс Коми АССР-са Вылыс Сӧветӧ да СССР-са Вылыс Сӧветӧ (6-ӧд созыв) депутатӧн.

Наградаяс вежны

  • «Шахтёр слава» морӧсвывса пас (куимнан тшупӧд)
  • СССР-са Почёта шахтёр (1962)
  • Социалистическӧй Уджвывса Герой (1966)
  • Ленин орден (350695 №-а)
  • «Чарла да мӧлӧт» медаль (12209 №-а)
  • Вӧркута карса Почёта гражданин (1968)
  • «Уджвывса ветеран» медаль
  • «Доблестнӧй уджысь (Воинскӧй доблесьтысь). В. И. Ленин чужӧмсянь 100 во тыриг кежлӧ» юбилейнӧй медаль

Ӧшмӧсъяс вежны

  • Акакиева Т. Филиппов Дмитрий Тимофеевич // Республика Коми: Энциклопедия: в 3-х т. — Сыктывкар, 2000. — Т. 3. — С. 247.
  • «Герои страны» проект
  • Музалевский М. В. Герои Социалистического Труда. Биобиблиографический словарь. — М.: РИЦ «Кавалер», 2008. — 200 с.

Ыстӧдъяс вежны

  1. ВОРКУТА-ФОРПОСТ ОСВОЕНИЯ ЗАПОЛЯРЬЯ