Худяев Вячеслав Иванович

Худяев Вячеслав Иванович
Чужан лун:	1946-ӧд вося рака тӧлысь 6-ӧд лун(1946-03-06) (78 арӧс)
Чужанін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Мыйся уджыс:	политик, государственный деятель
Ошканпасъяс да премияяс:

Худяев Вячеслав Иванович (1946) — канмуса да ютырса уджалысь, Коми АССР-лöн Министръяс Сöветса юралысь (1987—1994).

Олан туй

Вячеслав Худяев чужӧма 1946-ӧд вося рака тӧлысь 6-ӧд лунӧ Сыктывкарын. 1969-ӧд воын помалӧма Ленинградса инженерно-строительнӧй институт, 1984-ӧд воын — КПСС-лӧн Шӧр комитетбердса общественнӧй наукаяслысь Академия. Уджалӧма Укваса железобетоннӧй заводын старшӧй инженерӧн да цехса веськӧдлысьӧн, Укваса керка кыпӧдан комбинатлӧн керамзит-бетон заводса медшӧр инженерӧн да директорӧн, «Главкомигазнефтестроя» предприятиеын стройиндустрия юкӧдын веськӧдлысьӧн да комбинатса директорӧн.

1976-ӧд восянь партия юкӧнын уджалысь: КПСС-лӧн Коми обкомын строительство юкӧдын веськӧдлысьӧс вежысь, 1980-ӧдсянь КПСС-лӧн Сыктывкар карса комитетын мӧд секретар, 1985-ӧдсянь — медводдза секретар. 1987-ӧд восянь 1994-ӧд воӧдз вӧлӧма Коми АССР-лӧн министръяс Сӧветса юралысьӧн. 1995-ӧд восянь уджалӧма Коми Республикаса Туй департаментын медшӧр директорӧн, а сэсся Коми Республикаса Юралысьлӧн консультатӧн.

Депутат

В.И. Худяевӧс бӧрйылӧмаӧсь РСФСР-са Вылыс Сӧветса да Коми АССР-са Вылыс Сӧветса депутатӧн, вӧлӧма Рочмуса Федеральнӧй Собраниелӧн Федерация Сӧветӧ пырысьӧн.

Ошканпасъяс

• «Почёт пас» орден
• Коми Республикаса нимӧдана уджалысь

Ӧшмӧсъяс

• Коми Республикаса Паметь небӧг
• Бобракова Г. Большое видится на расстоянии // «Республика», 2016. 4 марта (рочӧн)