Шахов Егор Александрович

Шахов Егор Александрович
Чужан лун:	1907-ӧд вося косму тӧлысь 5-ӧд лун(1907-04-05)
Чужанін:	Пожӧг, Кулӧмдін район, Коми Республика, РСФСР[d] Усть-Сысольск уезд, Вӧлӧгда губерния, Россияса империя
Кулан кад:	1938-ӧд вося сора тӧлысь 12-ӧд лун(1938-07-12) (31 ар)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Мыйся уджыс:	коми гижысь

Шахов Егор Александрович (комиӧн: Сандрик Ёгор, Ö.Е. Шаков) (1907—1938) — коми гижысь, редактор, вуджӧдчысь.

Олан туй

Чужӧма 1907-ӧд вося косму тӧлысь 5-ӧд лунӧ Вӧлӧгда губерняын Усть-Сысольск уездса Пожӧгын (ӧні — Кулӧмдiн районса Пожӧг сикт) уна челядя кресьтянин семьяын. Неыджыд тӧдӧмлунъяс босьтӧм бӧрын водз кутӧма уджавны вӧрын, массовик-культработникӧн. Семьянас вуджӧма овны Усть-Сысольскӧ, велӧдчӧма Педтехникумын. Уджавлӧма Коми небӧг лэдзанінын, кутӧма йитӧд «Ордым» да «Культура фронт» журналъяскӧд, обласьтса газетъяскӧд. Гижысьӧс репрессируйтісны, уджалӧма Печорабердса вӧръясын. Кулӧма 1938-ӧд вося сора тӧлысь 12-ӧд лунӧ Сыктывкарын.

Гижан удж

Егор Шахов йӧзӧдӧма кывбуръяс да висьтъяс. Гижӧма «Вӧрын» медводдза коми повесьт, коді вӧлі йӧзӧдӧма Коми небӧг лэдзанінын 1931-ӧд воын. Сэні петкӧдлӧма вӧр лэдзысьясӧс, кодъяс доймавлісны Гражданскӧй тыш дырйи на да оз гӧгӧрвоны, мыйла найӧс, висьысьясӧс, уджӧдӧны вӧрын.

Комиӧдӧма очеркъяс, докладъяс, художествоа гижӧдъяс (А.С. Пушкинӧс, Г. Петелинӧс, и с.в.)

Небӧгъяс

• Санdрік Jогор. Вӧрын: повесьт. — Сыктывкар: Коми нига лэдзанін, 1931. — 100 л.б.

Ӧшмӧсъяс

• Егор Александрович Шахов (Сандрик Ёгор) // Кулӧмдінса шӧр небӧгаин
• Коми тӧданін