Белых Иван Ильич

Белых Иван Ильич
Чужан лун:	1946-ӧд вося кӧч 23-ӧд лун(1946-09-23)
Чужанін:	Сыктывдін район, Сӧветскӧй Социалистическӧй Республикаяслӧн Союз
Кулан кад:	2014-ӧд вося вӧльгым 30-ӧд лун(2014-11-30) (68 арӧс)
Куланін:	Сыктывкар, Рочму
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	гижысь, журналист

Белых Иван Ильич (1946—2014; комиöн — Илля Вань) — коми гижысь, журналист, Коми Республикаса культураын нимӧдана уджалысь.

Олан туй

Иван Белых чужӧма 1946 вося кöч тöлысь 23-ӧд лун Сыктывдiн районса Паль улö пырысь Ивадор грездын видз-му уджалысьяслöн семьяын. Помалӧма Пальса шöр школа, Коми канмуса педагогика институтысь история-филология факультет, кӧні ветлöдлӧма литературнöй кружокö.

1965 восянь уджалӧма «Югыд туй» (öнi – «Коми му») газетын корреспондентöн, редакторöн, веськöдлысьсö вежысьöн. 1994 восянь – Коми небöг лэдзанiнын веськöдлысьӧс вежысь да шöр редактор, 1997 восянь — Коми небöг лэдзанiнын директор. Вӧлӧма «Йöлӧга» газетын отделса редакторöн. 2011 воын петӧма пенсия вылӧ.

Кулӧма 2014 вося вöльгым тöлысь 30-ӧд лун Сыктывкарын, гуалӧма Сыктывдiн районса Палльын

Гижан удж

1968 воын Иван Белыхлöн «Югыд туй» газетын петӧма медводдза висьт — «Веж кыдз пу».

Сылöн гижöдъясыс петавлӧмаӧсь «Югыд туй» газетын да «Войвыв кодзув» журналын, «Миян грездса челядь» (1987) да «Сикöтш» (1994) висьт чукöръясын.

Кыдзи журналист мукöддырйи гижö Б.Ильин гуся ним улын.

Гижö челядь, челядьдырся казьтылöмъяс да вöр-ва йылысь.

Иван Белыхлысь висьтъяссö вуджöдлiсны П.М. Столповский да А.В. Канев.

2005 восянь Россияса гижысь котырӧ пырысь.

Небöгъяс

Комиӧн

• Öзйы, бипурöй менам. — Сыктывкар: Коми небöг лэдзанiн, 1997.
• Челядьдырся пароходъяс. — Сыктывкар: «Эскöм», 2001.
• Важыс уськöдчывлö вöтöн. — Сыктывкар, 2005.
• Гуся керка: Челядьлы висьтъяс / Ред. А.В. Ульянов. — Сыктывкар, 2008. — 160 л.б.
• Кӧмтӧм кока челядьдырӧй! Висьтъяс / Серпасаліс Е.М. Коюшева. — Сыктывкар: «Коми му» газет редакция» Коми Республикаса автономнӧй учреждение», 2012. — 240 л.б.
• Мӧдлапӧв: висьтъяс, олӧм серпасъяс. — Сыктывкар: Эскӧм, 2015. — 288 л.б.

Рочӧн

• Рассказы / Пер. с коми языка Г.А. Марковой. — Сыктывкар, 2011. — 88 с.

Наградаяс

• Коми Республикаса культураын нимöдана уджалысь (1994)
• Коми Республикаса Веськӧдлан котырлысь премиа босьтысь журналистика юкӧнын (2008)
• «Ыджыд роч гижысь, Нобель премиа босьтысь М. А. Шолохов 1905—2005» казьтылана медаль (2005) литература уджысь

Öшмöсъяс

• Литература Коми: словарь школьника / Сост. Н.Головина, В.А. Лимерова. — Сыктывкар, 2007. — С. 9—13.
• Гортыд медся на муса. Литературная памятка к 65-летию со дня рождения Ивана Ильича Белых. Национальная детская библиотека Республики Коми им. С.Я. Маршака, 2011
• И. И. Белых гижӧдъяс йылысь wiki.komikyv.ru сайтын