Жилина Татьяна Ивановна

Жилина Татьяна Ивановна
Чужан лун:	1923-ӧд вося ӧшым тӧлысь 14-ӧд лун(1923-12-14) (100 арӧс)
Чужанін:	Сыктывкар, РСФСР[d], Сӧветскӧй Социалистическӧй Республикаяслӧн Союз
Мыйся уджыс:	лингвистка

Жилина Татьяна Ивановна (1923—2019) — коми кыв туялысь, филология наукаясса кандидат (1951), Коми АССР-са наукаын нимӧдана уджалысь (1973).

Олан туй

Татьяна Жилина чужӧма 1923-ӧд вося ӧшым тӧлысь 14-ӧд лунӧ Тентюков сиктын (ӧні Сыктывкар бердын Тентюков ин). 1940-ӧд воын помалӧма Сыктывкарын 1 №-а шӧр школа, 1944-ӧд воын — Коми канмуса педагогика институтысь история-филология факультет, босьтӧма коми кыв да литература, роч кыв да литература велӧдысьлысь специальносьт. 1944—1945-ӧд воясӧ уджалӧма Чилимдінса шӧр школаын роч кыв да литература велӧдысьӧн.

1946—1950-ӧд воясӧ велӧдчӧма СССР-са наукаяс академиялӧн Коми филиалса аспирантураын. 1950 восянь уджалӧ Кыв, литература да история институтын: медводз младшӧй научнӧй сотрудник, 1962 восянь — старшӧй научнӧй сотрудник, 1971 восянь — Кыв, литература да история институтын учёнӧй секретар.

1982-ӧд воын петӧма пенсия вылӧ. Кулӧма 2019-ӧд вося кӧч тӧлысь 17-ӧд лунӧ Сыктывкарын.

Туясян удж

1951 воын Кыв туялан институтын (Москва) дорйӧма «Именные категории верхне-вымских говоров северного диалекта коми языка» тема серти филология наукаясса кандидат ним вылӧ диссертация.

Йӧзӧдӧм уджъяс

Т.И. Жилина гижӧма 20 сайӧ туялан удж, на лыдын:

• Сравнительный словарь коми-зырянских диалектов / Сост. Жилина Т.И., Сорвачёва В.А., Сахарова М.А. — Сыктывкар, 1961. — 490 с.
• Русско-коми словарь: Около 50000 слов / Сост. Жилина Т.И., Тимушев Д.А. и др. — Сыктывкар: Коми книж. изд-во, 1968. — 776 с.
• Образцы коми-зырянской речи / Сост. Жилина Т.И., Сорвачёва В.А.; Под ред. Д.А. Тимушева. — Сыктывкар, 1971. — 311 с.
• Присыктывкарский диалект и коми-литературный язык. — Москва: Наука, 1971. — 276 с. (соавтор — Бараксанов Г.Г.)
• Верхнесысольский диалект коми языка. — Москва: Наука, 1975. — 268 с.
• Лузско-летский диалект коми языка. — Москва: Наука, 1985. — 271 с.
• Вымский диалект коми языка. — Сыктывкар, 1998. — 438 с.

Наградаяс

• «1941—1945 воясӧ Айму вӧсна Ыджыд тыш дырйи бур уджысь» медаль
• Коми АССР-са наукаын нимӧдана уджалысь (1973)
• 9-ӧд пятилеткаса ударник (1975)
• Уджвывса ветеран (1982)

Ӧшмӧсъяс

• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — 212 с.
• Федюнёва Г.В. Жилина Татьяна Ивановна // Коми язык. Энциклопедия. — Москва, 1998. — С. 126-127.
• Республика Коми. Энциклопедия в 3-х т. — Сыктывкар, 1997. — Т. 1.
• Татьяна Ивановна Жилина. Материалы к расширенному заседанию Ученого совета Института языка, литературы и истории / Сост. С.А. Сажина. — Сыктывкар, 2013. — 16 с. (Серия «Ученые ИЯЛИ Коми НЦ УрО РАН». Вып. 6.)