Ижора (войтыр)

Ижора (ижора inkeroin, ižora, ižoralain) — финн-йӧгра войтыр, пырӧ Россияын ичӧт лыда вужвойтыр лыдӧ. Ёнджыкасӧ олӧ Рочму, Эстония да Украинаын. Сёрнитӧны ижора кывйӧн. Гижӧдыс латиница подулын. Медъёна паськалӧма православие.

Ижора
Дӧрапас
Лыд:	500—1300
Оланінъяс:	Рочму, Эстония, Украина
Кыв:	ижора
Эскӧм:	православие, лютеран эскӧм
Ӧти рӧдвужысь лоӧм войтыръяс:	Карелъяс, Водь, Вепсъяс, Эстъяс, Квенъяс, Финъяс, Инкери финъяс

Ас ним да войтыр юкӧнъяс

Ижора асьнысӧ шуӧны inkeroin, ižora, ižoralain.

История

Водзынсӧ ижора оліс водькӧд ӧтвылысь Ижора муын. XX нэм шӧрӧдз кывйын да культураын вӧлі тыдовтчӧ на аслыспӧлӧслун. Тайӧ муясас орччӧн олісны сідзжӧ инкери финъяс, кодъяс ёнджыкасӧ вӧліны лютеранаӧн, а ижора войтыр — православнӧйӧн. XXI нэм кежлӧ ижораӧс пӧшти ставнас зырӧма, чужан кывнас сёрнитысьяс зэв этша.

Лыд

Академик П.И. Кёппен серти, 1848 воын Санкт-Петербург губернялӧн квайт уездса 222 сикт-грездын олӧма 17 800 ижора.

Ӧнія кадӧ ижора олӧ Ленинград обласьтса Ломоносов да Кингисеп районъясын (водзынсӧ — сідзжӧ Гатчина районса сиктъясын). 2002 вося Йӧзӧс пасъялӧм серти, Рочмуын олӧма 327 ижора, на пиысь 177 морт Ленинград обласьтын. 43 ижора олӧма Вистино грездын. 2010 воын Рочмуын олӧма 266 ижора.

2002 воын ижора пыртӧма Рочмуса этша лыда вужвойтыр лыдӧ.

1989 воын Украинаын олӧма 9 ижор; 2001 вося Украинаын Йӧзӧс пасъялӧм серти, сэні олӧма 822 ижор (на пиысь 788 морт (96 %) Крымын), и сӧмын кыкӧн шуисны ижора кыв чужан кывйӧн.

Эстонияын 2000 вося Йӧзӧс пасъялӧм серти, сэні олӧма 62 ижора, на пиысь 19 мортлы (31 %) чужан кывйӧн лоӧ ижора кыв, 39 мортлы (62 %) — роч кыв, куимлы (5 %) — эст кыв.

Ӧшмӧсъяс

• Киуру Э.С., Шлыгина Н.В. Ижора // Прибалтийско-финские народы России / Отв. ред. Е.И. Клементьев, Н.В. Шлыгина. М.: Наука 2003. — С. 592—620.
• Конькова О.И. Ижора // Мы живём на одной земле. Население Петербурга и Ленинградской области / Под ред. К.В. Чистова. СПб.: Лениздат, 2002. — С. 89—109.
• [1] Конькова О.И. Ижора. Очерки истории и культуры. СПб.: МАЭ РАН, 2009. 248 с. isbn=978-5-94348-049-2
• Шлыгина Н.В. Ижорцы // Народы России: энциклопедия / Гл. ред. В.А. Тишков. М.: Изд-во «Большая Российская энциклопедия», 1994. — С. 159—161.
• Шлыгина Н.В., Конкка У.С. Водь, ижора и финны Ленинградской области // Народы Европейской части СССР. Т. 2. М.: Наука, 1964. — С. 310—328.