Каликова Домна Фёдоровна

Каликова Домна Фёдоровна
Чужан лун:	1896-ӧд вося тӧвшӧр тӧлысь 1-ӧд лун(1896-01-01)
Чужанін:	Выльгорт, Коми Республика, РСФСР[d] Усть-Сысольск уезд, Вӧлӧгда губерния, Россияса империя
Кулан кад:	1919-ӧд вося ӧшым тӧлысь 22-ӧд лун(1919-12-22) (23 арӧс)
Куланін:	Помӧсдін, Кулӧмдін район, Коми Республика, РСФСР[d] Эжва
Мыйся уджыс:	партизанка

Файл:Каликова Д. Скульптура.jpg

Сыктывкарын Домна Каликовалы скульптура (автор — В.А. Рохин)

Каликова Домна Фёдоровна (1896—1919) — Гражданскӧй тыш дырся героиня.

Олан туй

Домна Каликова чужӧма 1896-ӧд вося тӧвшӧр тӧлысь 1-дза лунӧ Вӧлӧгда губерняын Усть-Сысольск уездса Выльгорт вӧлӧсьтувса Дав грездын (ӧні пырӧ Сыктывдін районса Выльгортӧ). Куим арӧсӧн кольӧма батьтӧгыс.

Челядь дырйиыс батрачитӧма озыръяс дорын, уджалӧма кирпич вӧчан заводын. Том дырйиыс уджалӧма Кардорса, Вӧлӧгдаса да Петроградса заводъясын. Петавлӧма демонстрацияяс вылӧ Временнӧй правительстволы паныд, венласьӧма полициякӧд.

1918-ӧд вося ода-кора тӧлысьӧ бергӧдчӧма Выльгорт сиктӧ, зільӧма Выльгортса гӧльяслӧн комитетын (комбед). Водзмӧстчӧма Выльгортса культурно-просветительскӧй кружокын. 1919-ӧд воын уджалӧма Усть-Сысольск карса исполкомлӧн му юкӧдын. 1919-ӧд вося йирым тӧлысьын пырӧ большевик партияӧ.

1919-ӧд вося вӧльгым тӧлысьӧ пырӧма Усть-Сысольскса партизанъяслӧн котырӧ. Унаысь ветлӧма враглӧн тылӧ да вайӧма колана юӧрръяс. Ӧшым тӧлысьӧ Домна Каликоваӧс еджыдъяс кыйисны Кулӧмдін районса Аныб сикт дорын разведка дырйи да ёна нӧйтісны. Сійӧс вӧлі лыйлӧма ӧшым тӧлысь 22-ӧд лунӧ Помӧсдін сиктсянь неылын Эжва ю вылын.

1920-ӧд вося рака тӧлысьӧ гуалӧма Сыктывкарын Кырув вичкоса шойнаын.

Каликова культураын

Уна во чӧж Домна Каликова вӧлі коми серпасалана искусствоын тӧдчана образӧн. Сылы вӧлі сиӧма серпасъяс, скульптураяс, графика, кывбуръяс и с.в.

Серпасъяс

• Стронк Георгий — серпас (1942)
• Жилин Николай — куим эскиз (1944—1945)
• Козлов Энгельс — «Домна Каликова» (1959)
• Игнатов Василий — «Похороны коми партизанки Домны Каликовой» да «Плач над телом Домны Каликовой» серпасъяс (1967); «Вступление Домны в Красную армию», «Казнь Домны Каликовой» да «Плач над Домной» серпасъяс (1976).
• Козлов Энгельс — «Дни революции. Домна Каликова в Петрограде» (1981).
• Добряков Сергей — мозаикаысь панно.
• Киселев Григорий

Скульптура

• Митюшев Пантелеймон — 2 вариант (1951)
• Мамченко Владислав — пуысь.
• Владимир Рохин — Сыктывкарын Сӧветскӧй улича вылын 2 №-а школа (ӧні — Роч гимназия) водзын скульптура (кӧрт, 1979).

Бюст

• Карева Тамар (1953) — гипс

Опера

• Архимандритов Б. — «Домна Каликова» опера (1967), Фёдор Щербаковлӧн кывбура драма серти.

Паметь

• Сыктывкарын Домна Каликова нимӧн шуӧма улича.
• Сыктывкарын Виттор Савин да Завод уличаяс пельӧсын сувтӧдӧма обелиск.

Ӧшмӧсъяс

• Попов Н. Славная дочь коми народа // Юность огневая. — Сыктывкар, 1958.
• Чупров В. Каликова Домна Федоровна // Республика Коми. Энциклопедия: в 3-х т. — Сыктывкар: Коми кн. изд-во, 1999. — Т. 2. — С. 54.
• Домна: методико-библиографическое пособие / МБУК «Сыктывдинская централизованная библиотечная система»; Сост.: И. Г. Жукова, Л. Н. Муравьёва. — Выльгорт, 2016. — 44 с.
• Домна Каликова, героиня гражданской войны в Коми крае