Помӧсдін (Кулӧмдін район)

Помӧсдін (рочӧн Помоздино) – Коми республикаын сикт, Кулӧмдін районысь Помӧсдін сикт овмӧдчӧминса шӧрсикт.

Помӧсдін Помоздино
Му:	Рочму
Статус:	сикт
республика:	Коми республика
район:	Кулӧмдін район
Медводдза казьтыштӧм:	1706 во
Инлыдпасъяс:	62°11′43″ в. п. 54°11′01″ а. к.62.195278° в. п. 54.183611° а. к. 62.195278, 54.183611
Официал кыв	коми, роч
Олысьяс	1317 морт (2007)
Час кытш:	UTC+3+3
Телефон код:	+7 8 2137
Пошта индӧс:	168090
Автомобиль код:	11, 111

Ним артмӧм

Помӧсдін топоним тэчӧма кык юкӧнысь - Помӧс да дін. Пӧмӧс - тайӧ дженьдӧдӧм ним Помӧсъюлӧн, код вомын сиктыс пукалӧ, а дін - 'ю вом' вежӧртаса кыв.

География

Сикт пукалӧ Эжва юлӧн веськыд бокын, Помӧсъю вомын. Помӧсдінсянь Кулӧмдін юрсиктӧдз 83 км, Сыктывкар юркарӧдз 250 км.

История

• Артмис 1678 во бӧрын.
• 1706 — Медводдзаысь казьтыштӧма: тані вӧлі пу вичко.
• 1707 — «Погост Помоздин на усть речки Помоса», 8 овмӧс. Медводдза олысьясӧн вӧліны Немдінысь Симон Наумович Игнатов, Григорий. Никифор да Мокей Фёдорович Карманов вокъяс.
• 1719 — Погостын вӧлі 2 овмӧс.
• 1747 — Тані оліс 67 мужичӧй (нывбабаяс йылысь юӧр абу).
• 1782 — Помӧсдін сиктын 25 овмӧс, 200 морт.
• 1825 — Ф.А. Тентюкова серти, кыпӧдӧма кирпичысь вичко.
• 1859 — Сиктын 52 овмӧс, 271 морт.
• 1861 — Восьтӧма вичкобердса школа, 1870-ӧд вояс пансигӧн — земскӧй училишӧ, 1900 — Нывъяслы земскӧй училишӧ.
• 1888 — Нуӧдсьӧ ярманга (ӧшым тӧлысь 6 лунсянь тӧвшӧр тӧлысь 6 лунӧдз).
• 1901 — Воссис библиотека.
• 1901, ода-кора тӧлысь 10 лун — Помӧсдінӧ медводдзаысь воис «Любимец» парокод.
• 1904 — Сиктын вӧлі фельдшерскӧй пункт.
• 1916 — Помӧсдінын 88 овмӧс, 453 морт; 1926 — 148 овмӧс, 526 морт (Мӧдлапӧв грездтӧг).
• 1930 — Помӧсдінын вӧлі: бурдӧдчанін, школа, изба-читальня, колхозса томуловлӧн школа, видз-му пункт, ветеринарнӧй пункт, нарсудлӧн камера, му ӧтлан вӧдитан товарищество, видз-му коммуна, парокод сувтанін, потребительяслӧн котыр, кредит сетан товарищество, госторглӧн агентство, госспиртлӧн лавка, кресьтяналы общественнӧй отсӧг сетан комитет, милиция участок.
• 1947 — Заводитісны вӧчны ВЛКСМ-лы 30 во нима Помӧсдінса колхозкостса ГЭС, коді сетіс ток 1948 вося йирым тӧлысь 28 лунӧ. ГЭС уджаліс 1960-ӧд вояс шӧрӧдз.
• 1949, сора тӧлысь 7 лун — Сикт лоис Помӧсдін районлӧн шӧринӧн (бырӧдӧма 1962 во помын).
• 1950, сора тӧлысь 14 лун — Помӧсдін сикт сӧветса Щорс, Сталин, Чапаев нима колхозъяс да «Маяк» ӧтувтӧма ӧти колхозӧ.
• 2000 — 518 овмӧсын олӧ 1517 морт.

Олысь лыд

Олысьяслӧн лыд (Йӧзӧс пасъялан вояс)
1782	1859	1916	1926	1970	1979	1989	1992	2000	2007
200	271	453	526	1198	1527	1477	1658	1517	1317

Медводдза овъяс

• 1707 – Игнатов, Карманов
• Чисталёв

Тӧдчана йӧз

• Чисталёв Тима Вень (1890—1939) — коми гижысь
• Чисталёв Иона Тимофеевич (Жан Морӧс; 1893—1923) — коми поэт, вуджӧдчысь, критик, велӧдысь.
• Старовский Владимир Никонович (1905—1975) — Cӧвет кадся тӧдчана уджалысь, профессор (1934), экономикаысь доктор (1940), СССР-са наукаяс академияысь член-корреспондент (1958), Социалистическӧй уджвывса герой (1975)
• Мысов Пантелеймон Ануфриевич (1914—1958) — нималана коми актёр, Коми АССР-са нимйӧза артист (1943), РСФСР-са нимӧдана артист (1946)
• Трошева Юлия Ивановна (1916—1988) — нималана коми актриса, Коми АССР-са нимйӧза артист (1951), РСФСР-са нимйӧза артистка (1980)
• Уляшев Александр Васильевич (1925—1998) — СССР-са нимйӧза велӧдысь (1981)
• Игнатов Михаил Иванович (1933—1999) — коми гижысь

Тӧдчана эмторъяс

• Успенньӧ вичко
• Чисталёв Тима Вень-лы паметник
• Домна Каликовалы паметник
• Краеведческӧй музей
• Тима Веньлӧн музей

Ӧтуввез

• Помӧсдін сикт овмӧдчӧмин Кулӧмдін районса сайтын
• Помӧсдін сикт овмӧдчӧминса Администрациялӧн сайт

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• Игнатов М.К. Взгляд сквозь годы. – Сыктывкар: Коми небӧг лэдзанін, 1998. – 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
• История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.

Ыстӧдъяс

Помӧсдін сиктувса оланінъяс
Ӧнія оланінъяс: Бадьёль • Выльгорт • Кырныша • Мӧдлапӧв • Помӧсдін • Скӧрӧдум • Сордйыв •