Колегова Нина Андреевна

Колегова Нина Андреевна
	Колегова Нина Андреевна
Чужан лун:	1913-ӧд вося вӧльгым тӧлысь 3-ӧд лун
Чужанін:	Усть-Сысольск уезд, Вӧлӧгда губерния, Россияса империя[d]; Сыктывкар, Вӧлӧгда губерния, Россияса империя[d];
Кулан кад:	2006-ӧд вося ӧшым тӧлысь 9-ӧд лун (93 арӧс)
Куланін:	Сыктывкар, Рочму;
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	лингвистка

Шаблон:Серпасыс абу

Колегова Нина Андреевна (комиӧн — Ӧньӧ Нина) (1913—2006) — коми кыв туялысь, филология наукаясса кандидат (1947), Коми АССР-са наукаын да культураын нимӧдана уджалысь (1964).

Олан туй

Нина Колегова чужӧма Усть-Сысольск уездса Чит грездын (ӧні — Сыктывкар бердса Чит карпом) 1913 вося вӧльгым тӧлысь 3 лунӧ. Помалӧма Коми канмуса педагогика институт, Ленинградса канму университетын аспирантура.

1942 восянь уджалӧма Коми АССР-са Наркомпрос бердса Коми туялан институтын (КНИИ) научнӧй сотрудникӧн. 1947 воын дорйӧма филологияса кандидат ним вылӧ диссертация («Наречия в коми языке»). 1953 восянь СССР-са наукаяс академиялӧн Коми филиалын кыв да литература юкӧдын веськӧдлысь.

Кулӧма 2006 вося ӧшым тӧлысь 9 лунӧ Сыктывкарын.

Туясян удж

Дасьтӧма коми кывйысь велӧдчан небӧгъяс: «Коми грамматика. Фонетика да морфология. Ч.1» (1952); «Коми кыв. Грамматика, правописание, сёрни развивайтӧм» (1956, 1958, 1960).

Мукӧдкӧд ӧтвылысь лӧсьӧдӧма вылыс тшупӧда велӧдчанінъяслы «Современный коми язык. Фонетика, лексика, морфология». Ч. 1» небӧг («Лексика», «Наречие», «Послелоги» юкӧнъяс), «Современный коми язык. Синтаксис. Ч. II» небӧг («Синтаксис как учение о предложении и словосочетании», «Словосочетание», «Виды предложений» юкӧнъяс) (Сыктывкар, 1955, 1967).

Лӧсьӧдӧма «Коми-роч кывкуд» (1948, 1961, соавторъяскӧд).

Коми сёрнисикасъяс уна вося туялӧмъяс подув вылын дасьтӧма кык небӧг: М.А. Сахаровакӧд да Н.Н. Сельковкӧд — «Печорский диалект коми языка» (1976), Г.Г. Бараксановкӧд — «Среднесысольский диалект коми языка» (1980).

Небӧгъяс

Коми грамматика. Фонетика да морфология. Ч. 1. 1952.
Коми кыв. Грамматика, правописание, сёрни развивайтӧм. (1956, 1958, 1960).
Современный коми язык. Фонетика, лексика, морфология. Ч. 1. Сыктывкар, 1955.
Современный коми язык. Синтаксис. Ч. II. Сыктывкар, 1967.
Коми-русский словарь. Сыктывкар, 1948 (1961).
Колегова Н.А., Сахарова М.А., Сельков Н.Н. Печорский диалект коми языка. 1976.
Колегова Н.А., Бараксанов Г.Г. Среднесысольский диалект коми язык. 1980.

Наградаяс

Коми АССР-са наукаын да культураын нимӧдана уджалысь (1964)

Ӧшмӧсъяс

Коми Республикаса национальнӧй библиотека
Колегова Нина Андреевна // Российские исследователи коми языка: биобиблиографический указатель. — Сыктывкар, 2007. — С. 203-207.